ត្រលប់មកវិញលើកនេះ Selena Gomez ធ្វើឱ្យអ្នកគំាទ្រភ្ញាក់ផ្អើលជាខ្លាំង ជាមួយរូបរាងស្លីមស្អាត ខុសដាច់ស្រឡះពីឆ្នាំមុន។ ជាក់ស្តែង ថ្មីៗនេះនាងបានបង្ហាញខ្លួនក្នុងកម្មវិធី 2025 Oscars ដែលជាកម្មវិធីប្រគល់ពានរង្វាន់ភាពយន្តដ៏ធំប្រចាំឆ្នាំ។
រឹតតែទាក់ទាញ ចូលរួមកម្មវិធីនេះ Selena Gomez បានពាក់រ៉ូបរឹបរាងពណ៌ឈូកស្រាល សាច់រ៉ូបទាំងមូលឌិនទៅដោយតំណក់ត្បូងយ៉ាងប្រណីត មើលមកអេឡេហ្គង់បំផុត។ រ៉ូបនេះមកពីម៉ាក Ralph Lauren ជារ៉ូបរាត្រីសមោស ត្រូវបានប៉ាក់ផ្ចិតផ្ចង់បំផុតជាមួយគ្រីស្តាល់ Rosemont និង តំណក់កែវប្រមាណ ១៦០០០ គ្រាប់ ព្រមទាំងបង្ហើយជាមួយបច្ចេកទេសបាញ់ពណ៌ឈូក រយៈពេល ១២ ម៉ោង។
តាមការបញ្ជាក់ពីម៉ាកសម្លៀកបំពាក់ រ៉ូបធ្វើជាពិសេសសម្រាប់ Selena Gomez ចូលរួមកម្មវិធី Oscars លើកទី ៩៧ គឺត្រូវបានធ្វើឡើងដោយក្រុមការងារជំនាញជនជាតិអ៊ីតាលីដល់ទៅ ១២ នាក់ឯណោះ៕
