ឆ្លងថ្ងៃកំណើត Key លើកទី ១៣ រួមគ្នា ប៉េងអាន ទម្លាយរឿងរ៉ាវធ្លាប់ឆ្លងកាត់ជាមួយគ្នាគួរឱ្យភ្ញាក់ផ្អើលយ៉ាងច្រើន

មហាជននិយមតាមដាន ពីសកម្មភាពរបស់លោក ប៉េងអាន និង លោក Key ច្បាស់ជាបានឃើញមកហើយនូវសកម្មភាពនានារបស់អ្នកទាំង ២ បានបង្ហាញពីការងារ និង ការរកស៊ីរួមគ្នានៅលើបណ្តាញសង្គមកន្លងមក ដែលត្រូវបានអ្នកគាំទ្រលើកឡើងថា កំលោះសង្ហា ២ រូបនេះ គឺពិតជាដៃគូដ៏ស័ក្តិសម ដោយម្នាក់ៗខ្លាំងទាំងចំណេះដឹង ទាំងបទពិសោធការងារ ជាពិសេសពូកែខាងរកស៊ី មើលមកស៊ីចង្វាក់គ្នាឥតខ្ចោះ។

ក្នុងនោះដែរ អ្វីដែលមហាជនចាប់អារម្មណ៍ គឺភាពស្និទ្ធស្នាលរបស់អ្នកទាំង ២ ដែលបានបង្ហាញតាមរយៈកាយវិការ និង ពាក្យសម្តី ដែលបញ្ជាក់ពីទំនាក់ទំនងដ៏ល្អរបស់លោក ប៉េងអាន និង លោក Key ទៀតផង។

ជាក់ស្តែង កាលពីថ្ងៃទី ០៥ ខែតុលា ឆ្នាំ ២០២៥ កន្លងទៅនេះ ដែលជាថ្ងៃខួបកំណើតរបស់លោក Key ស្រាប់តែមហាជនបានឃើញលោក ប៉េងអាន បានបង្ហោះសំណេរយ៉ាងមានន័យក្នុងនាមជាមនុស្សជិតដិតម្នាក់ ដែលបានឆ្លងថ្ងៃកំណើតរបស់លោក Key អស់រយៈពេល ១៣ ឆ្នាំ និង បានរួមដំណើរជាមួយគ្នាអស់រយៈពេលជាច្រើនឆ្នាំ។

សំណេរដ៏មានន័យនោះ លោក ប៉េងអាន បានរៀបរាប់ថា៖ «នេះជាឆ្នាំទី ១៣ ហើយ ដែលយើងប្រារព្ធខួបកំណើតរបស់អ្នកជាមួយគ្នា ហើយថ្ងៃនេះអ្នកមានអាយុ ៣០ ឆ្នាំ (ឬ ៣១) ដែលមានន័យថាយើងបានចំណាយពេលជិតពាក់កណ្តាលជីវិតរបស់យើងក្នុងនាមជា Roommate។ អរគុណ ដែលបានធំធាត់ឡើងជាមួយនឹងគ្នា។ អរគុណសម្រាប់ការបែងចែកថ្លៃជួល ថ្លៃទឹកភ្លើង និង ការចំណាយផ្សេងៗក្នុងគ្រួសារ។ វាជាភាពរីករាយក្នុងការរស់នៅក្នុងគ្រួសារ ដែលមានប្រាក់ចំណូលពីរចំណែក។ សំខាន់បំផុត អរគុណ ដែលនៅក្បែរខ្ញុំគ្រប់ពេលប្រឡងចូលសាលា ពេលគណនីធនាគាររបស់ខ្ញុំមានសូន្យដុល្លារ, អំឡុងពេល ដែលខ្ញុំត្រូវបានគេបដិសេធ, ពេលវេលា ដែលខ្ញុំមានអារម្មណ៍ថាបាត់បង់ និង ពេលដែលអ្នកបានជួយខ្ញុំឱ្យស្គាល់ខ្លួនឯង នៅពេលដែលខ្ញុំមិនអាច. ជាពិសេសនៅពេលដែលខ្ញុំ Beak Sloy ម្តងម្កាល។ (ដូចដែលអ្នកឃើញពីរូបថតនេះ ខ្ញុំពឹងផ្អែកលើគាត់លើរឿងជាច្រើន)»៕