អ្នកគាំទ្របវរកញ្ញាវ័យក្មេង ជូរី ល្អហួស Miss Preteen Junior Idol World 2024 ច្បាស់ជាបានជ្រាបមកហើយ ពីទេពកោសល្យសិល្បៈរបស់នាង ដោយមិនត្រឹមតែមានតំណែងម្ចាស់មកុដបវរកញ្ញានោះទេ ល្អហួស ក៏បានក្លាយជាតារាសម្តែង និង មានទេពកោសល្យផ្នែកច្រៀង រាំរបាំបុរាណ សម័យយ៉ាងស្ទាត់ជំនាញទៀតផង។
បើនិយាយពីផ្នែកចម្រៀងវិញ កន្លងមក ជូរី ល្អហួស បានបញ្ចេញចម្រៀង Cover ជាច្រើនទាំងភាសាជាតិ និង អន្តរជាតិ។ លើសពីនោះ អ្វីដែលចាប់អារម្មណ៍ ភាគច្រើនបទចម្រៀងពីដើមៗ ល្អហួស តែងលើកយកចម្រៀងរបស់តារាចម្រៀង ទូច ស៊ុននិច មកច្រៀងឡើងវិញ។
ជាការពិត រាល់ពេល ជូរី ល្អហួស លើកយកចម្រៀងរបស់តារាចម្រៀង ទូច ស៊ុននិច មកច្រៀងឡើងវិញនោះ ល្អហួស ក៏តែជ្រើសរើសយកម៉ូដសម្លៀកបំពាក់ដូចទៅនឹងរៀមច្បងរូបនេះមកស្លៀកដូចគ្នាដែរ ដោយមើលទៅពិតជាស្រស់ស្អាត។
ម្យ៉ាងវិញទៀត មិនថាតែអ្នកគាំទ្រនោះទេដែលបានសរសើរដល់ ជូរី ល្អហួស រមែងសម្តែងការគោរពស្រឡាញ់តារាចម្រៀង ទូច ស៊ុននិច តាមរយៈការយកចម្រៀងមកច្រៀងឡើងវិញ និង ការលេងឈុតសម្លៀកបំពាក់ដូចនឹងរៀមច្បងនោះ ពោលគឺសូម្បី កញ្ញា ទូច ស៊ុននិច ក៏បានសរសើរដល់ ល្អហួស ជារឿយៗដែរ៕
