ឆ្នាំនេះលេងធំបន្តិច! ស៊ុក សុភា និង ភរិយា អញ្ជើញសិល្បករពីកម្ពុជា ៣ រូប ទៅច្រៀងក្នុងកម្មវិធីជប់លៀងខួបកំណើតអាយុ ១៨ ឆ្នាំរបស់កូនប្រុសច្បង

មហាជននិយមតាមដានជីវិតឯកជនរបស់អតីតតារាសម្តែងប្រុស លោក ស៊ុក សុភា ច្បាស់ជាបានជ្រាបមកហើយពីជីវិតគ្រួសាររស់នៅយ៉ាងមានសុភមង្គលក្នុងប្រទេសអូស្រ្តាលី ខណៈលោក និង ភរិយា ទើបតែទទួលបានចំណងដៃកូនប្រុសទី ៦ ក្នុងគ្រួសារកាលពីខែឧសភា ឆ្នាំ ២០២៥ កន្លងទៅ។

យ៉ាងណាមិញ ក្រឡេកទៅមើលកូនប្រុសច្បងរបស់លោក ស៊ុក សុភា និង ភរិយា ឯណោះវិញ បើគិតមកដល់ឆ្នាំនេះ ចម្រើនវ័យពេញកំលោះចូល ១៨ ឆ្នាំ ហើយ ដោយកូនប្រុសច្បងរបស់អតីតតារាសម្តែងរូបនេះមានឈ្មោះថា Alexender។

ក្នុងនោះដែរ ថ្មីៗនេះ អ្នកនាង Sarina Lucky Luy ភរិយា លោក ស៊ុក សុភា បាន និង កំពុងត្រៀមរៀបចំពិធីខួបកំណើតកូនប្រុសច្បង ដោយមានការអញ្ជើញភ្ញៀវកិត្តិយសចូលរួមនាថ្ងៃទី ៣០ ខែសីហា ឆ្នាំ ២០២៥ ខាងមុខនេះ។

លើសពីនោះ អ្វីដែលចាប់អារម្មណ៍នោះ ក្នុងការរៀបចំពិធីខួបកំណើតកូនប្រុសច្បងវ័យ ១៨ ឆ្នាំនេះដែរ លោក ស៊ុក សុភា និង ភរិយា បានអញ្ជើញតារាប្រុសស្រី ៣ រូប ពីកម្ពុជាចូលរួមដែរ រួមមាន លោក ញ៉ែម សុគន្ធ, អ្នកនាង គ្រត និង ស្រីពៅ មុខឈើ ទៀតផង៕