បើគិតត្រឹមឆ្នាំ ២០២៥ នេះ តារាចម្រៀងរ៉េបល្បីឈ្មោះ លោក ជី ដេវីត មានវ័យ ៣១ ឆ្នាំ ហើយ បើគិតចាប់តាំងពីថ្ងៃកំណើតរបស់លោក គឺនៅថ្ងៃទី ០៥ ខែតុលា ឆ្នាំ ១៩៩៤។ ក្នុងនោះ គេបានឃើញថា ក្នុងថ្ងៃកំណើតឆ្នាំនេះ លោក ជី ដេវីត មិនបានរៀបចំកម្មវិធីចំថ្ងៃពិសេសនោះឡើយ ក៏ព្រោះតែលោកជាប់បេសកកម្មធ្វើដំណើរទៅកាន់ប្រទេសជប៉ុនជាមួយនឹងអ្នកនាង ទេព បូព្រឹក្ស ជាភរិយា។
យ៉ាងណាមិញ កាលពីរាត្រីថ្ងៃទី ៩ ខែ តុលា ឆ្នាំ ២០២៥ កន្លងទៅ បើទោះជារាងយឺតបន្តិចមែន ប៉ុន្តែលោក ជី ដេវីត បានរៀបចំថ្ងៃកំណើតយ៉ាងពិសេស ដោយមានការអញ្ជើញចូលរួមរួមពីសំណាក់មិត្តភក្តិស្និទ្ធស្នាល និង ក្រុមគ្រួសារប៉ុណ្ណោះ។
ក្នុងនោះដែរ អ្វីដែលគួរឱ្យចាប់អារម្មណ៍ មហាជនហាក់សង្កេតឃើញថា នៅក្នុងឆ្នាំនេះ លោក ជី ដេវីត បានរៀបចំកម្មវិធីធំដុំជាងសព្វមួយដងដោយអញ្ជើញភ្ញៀវចូលរួមប្រមាណ ២០០ នាក់ ខណៈឆ្នាំមុនៗ បើទោះជារៀបចំពិធីជប់លៀកក៏ពិតមែន ប៉ុន្តែលោកមិនសូវបង្ហាញប៉ុន្មាននោះដែរ ពោលគឺរៀបចំសប្បាយលក្ខណៈគ្រួសារប៉ុណ្ណោះ ហើយភ្ញៀវចូលរួមទៀតសោត ម្នាក់ៗបានតុបតែងខ្លួនឡូយៗអស់ស្ទះរៀងៗខ្លួន៕
