កាលពីថ្ងៃទី ២៣ ខែសីហា ឆ្នាំ ២០២៥ កន្លងទៅ នាយកដ្ឋានប្រឆាំងការជួញដូរមនុស្ស (AHTD) របស់ថៃ បានចុះទៅឆ្មក់ចាប់ប្តីប្រពន្ធមួយគូ ដែលរកស៊ីតាម Onlyfans ដោយល្បួងក្មេងប្រុសអាយុក្រោម ១៨ ឆ្នាំមកថតវីដេអូជាមួយស្រ្តីជាប្រពន្ធ ហើយប្តីយកផុសលក់កើបលុយ។
តាមព័ត៌មានបានឱ្យដឹងថា បុរសជាប្តីមានវ័យ ២៩ ឆ្នាំ រីឯស្រ្តីជាប្រពន្ធមានវ័យ ៣០ ឆ្នាំ។ ទាំងគូនេះពួតដៃគ្នារកស៊ីតាមរយៈ Onlyfans ដោយថតវីដេអូអាសអាភាសរបស់ខ្លួនលក់យកកម្រៃតាំងពីឆ្នាំ ២០២១ កន្លងមកម្ល៉េះ ហើយប្រាក់សរុបបានជិត ៤ លានបាតឯណោះ។ ក្នុងនោះដែរ មានការស្រាវជ្រាវឃើញថា ប្តីប្រពន្ធទាំងគូនេះបានល្បួងក្មេងប្រុសដែលមានវ័យក្រោម ១៨ ឆ្នាំ មកថតវីដេអូអាសអាភាសជាមួយជាស្រ្តីជាប្រពន្ធ ចំណែកឯប្តីជាអ្នកថតវីដេអូយកទៅលក់ចែកចាយ ដោយជឿថាវីដេអូបែបនេះទាក់ចិត្តអ្នកមើលកាន់តែច្រើន។
យ៉ាងណាមិញ ប្តីប្រពន្ធទាំងគូក៏បានសារភាពថា ពួកគេពិតជាធ្លាប់ប្រព្រឹត្តបែបនេះពិតមែន ហើយពួកគេទាំងពីរក៏ត្រូវបានប៉ូលិសផ្នែកប្រឆាំងការជួយដូរមនុស្សឃាត់ខ្លួន និងចោទប្រកាន់ពីបទដូចជា រួមគ្នាជួយដូរមនុស្សដោយការផលិត ឬចែកចាយរូបភាពអាសអាភាសរបស់កុមារ ការបញ្ចូលទិន្នន័យអាសអាភាសទៅក្នុងប្រព័ន្ធកុំព្យូទ័រ ការជួញដូររួមគ្នាទៅលើរូបភាពអាសអាភាសរបស់កុមារ ការចាប់ពង្រត់អនីតិជនដើម្បីប្រព្រឹត្តរឿងអាសអាភាស និងការបំផុសគំនិត និងការលើកទឹកចិត្តឱ្យកុមារប្រព្រឹត្តរឿងមិនសមរម្យ៕
ប្រភព៖ Khaosod
