មកទល់ពេលនេះ ការបញ្ចេញមតិប្រតិកម្មមិនទទួលយកលទ្ធផលក្នុងការប្រកួតកម្មវិធី Miss Supranational Cambodia 2025 របស់ អេនណា រ៉ូស នៅតែធ្វើឱ្យមហាជនអ្នកលេងបណ្ដាញសង្គមបន្តវែកញែកខ្លាំង ដោយក្នុងនោះមានទាំងបវរកញ្ញារៀមច្បងមួយចំនួននាំគ្នាបញ្ចេញមតិ ហើយពេលនេះក៏ធ្លាយដល់តារាសម្ដែង ឆៃលី ដាឡែន ទៀត។
ចាប់តាំងពីអំឡុងពេលប្រកួត រហូតដល់វគ្គប្រកួតផ្ដាច់ព្រ័ត្រនៅយប់ថ្ងៃទី ២ ខែមេសា ឆ្នាំ ២០២៥ កន្លងមកនេះ អេនណា រ៉ូស ហាក់ជឿជាក់លើសមត្ថភាពខ្លួនឯងខ្លាំងណាស់ទៅលើគោលដៅយកមកុដឱ្យបាន ប៉ុន្ដែជាលទ្ធផល នាងមិនត្រឹមតែខកចិត្តមិនបានទទួលជ័យលាភីនោះទេ សូម្បីតែតំណែង Top ណាមួយ ក៏ រ៉ូស មិនបានទទួលដែរ ហើយលទ្ធផលនេះបានធ្វើឱ្យនាងហាក់មិនពេញចិត្តជាខ្លាំង។
និយាយដល់ការបញ្ចេញមតិពីមហាជនវិញ ក្រោយរឿងមួយនេះកំពុងត្រូវបានមហាជនចាប់អារម្មណ៍ ស្រាប់តែក្នុងនោះគេឃើញ តារាសម្ដែង អ្នកនាង ឆៃលី ដាឡែន បានផុសបញ្ចេញយោបល់ពាក់ព័ន្ធនឹងរឿងនេះថា ៖ «ចុះ ស្អី 🥀 rose ជាំ rose 🥀 បាក់ក នៅផ្ទះនឹងអត់មានកញ្ចក់ឆ្លុះទេអី? ហើយគេរិះគន់រឿងដើរនឹងទៀត ឱ្យជាប់ម៉េចហាមីក្អូន ដំណើរដើរដូចផ្លូវរលាក់ ដំណើរមិនបានក្មេងអាយុ 3 ឆ្នាំផង ចាញ់នឹងចៅអញដើរផង»៕
