ក្រឡេកមកមើលតារាចម្រៀងរ៉េបចំនួន ៤ រូប ដែលអាចរាប់បញ្ជូលជាតារាចម្រៀងរ៉េបជំនាន់ថ្មី បានបង្ហាញវត្តមានត្រឹមប៉ុន្មានឆ្នាំចុងក្រោយប៉ុណ្ណោះ ប៉ុន្តែម្នាក់ៗមានភាពលេចធ្លោខ្លាំងលើវិស័យសិល្បៈ។ លើសពីនោះ រាល់ពេលការបញ្ចេញចម្រៀងទោលម្តងៗតារាចម្រៀងរ៉េបទាំង ៤ គឺទទួលបានការគាំទ្រខ្លាំងទៅហើយ ប៉ុន្តែនៅពេល ដែលបានប៉ះដៃគូល្អច្រៀងរួមគ្នាទៀតនោះ មួយបទៗចេញមកកាន់តែផ្ទុះ។
១. ទេព ពិសិដ្ឋ និង NPN
បើទោះជាលោក ទេព ពិសិដ្ឋ បានចូលប្រឡូកលើវិស័យសិល្បៈច្រើនឆ្នាំក្តី ប៉ុន្តែតារាប្រុសរូបនេះ ទទួលបានភាពលេចធ្លោខ្លាំងប៉ុន្មានឆ្នាំចុងក្រោយ បន្ទាប់ពីលោកបានប្តូរមកច្រៀងចង្វាក់រ៉េប និង R&B វិញ។ ក្នុងនោះ រាល់ចម្រៀងមួយបទៗរបស់លោក ទេព ពិសិដ្ឋ ចេញមកម្តងៗពិតជាទទួលបានការគាំទ្រខ្លាំង ប៉ុន្តែលោកក៏នៅមានដៃគូល្អមួយរូបទៀត គឺលោក NPN ដោយរាល់ពេលតារាចម្រៀងរ៉េបទាំង ២ បានចាប់ដៃច្រៀងរួមគ្នា បទចម្រៀងនោះ គឺកាន់តែផ្ទុះ។
២. យូហៃ និង GMENGz
ផ្តើមចេញពីការប្រកួតចម្រៀងរ៉េបលើឆាកតែមួយ និង មានម្នាក់ទទួលបានពាន រីឯម្នាក់ទៀតមិនបានក្តី ប៉ុន្តែតារាចម្រៀងរ៉េប យូហៃ និង តារាចម្រៀងរ៉េប GMENGz ទទួលបានការគាំទ្រមិនចាញ់គ្នានោះឡើយ។ បច្ចុប្បន្ន បើទោះជាមិនជ្រកក្រោមផលិតកម្មរួមគ្នាក្តី ប៉ុន្តែរាល់បទចម្រៀងរបស់ យូហៃ និង GMENGz បានផលិត និង ច្រៀងរួមគ្នាមួយបទៗ គឺផ្ទុះការគាំទ្រយ៉ាងខ្លាំងពីមហាជន៕
