ជាការពិតណាស់ អ្នកតាមដានកម្មវិធីនៃការររត់ ដែលរៀបចំឡើងដោយ លោក សាយ ស្ថាបនិក Run With Sai និង ជាតារាចម្រៀង Original Song នោះ ច្បាស់ជាបានជ្រាបពីកម្មវិធី Preah Vihear Temple Run 2025 ដែលបានរៀបចំឡើងនៅឯប្រាសាទព្រះវិហារ កាលពីថ្ងៃទី ០៦ ខែកក្កដា ឆ្នាំ ២០២៥ កន្លងទៅ។
ក្នុងនោះ កម្មវិធី Preah Vihear Temple Run 2025 នេះ ជាកម្មវិធីឆ្នាំទី ៣ ហើយ ដែលលោក សាយ និង ក្រុមការងារបានរៀបចំឡើង រត់ទៅលើកំពូលប្រាសាទព្រះវិហារ ហើយការរត់នៅក្នុងឆ្នាំនេះ ធ្វើឡើងដើម្បីអបអរសាទរខួបទី ១៧ នៃការដាក់បញ្ជូលប្រាសាទព្រះវិហារចូលក្នុងបញ្ជីបេតិកភណ្ឌពិភពលោក។
ការរត់ឡើងប្រាសាទព្រះវិហារ ដែលមានរយៈចម្ងាយ ១,៣៣ គីឡូម៉ែត្រ, ៩ គីឡូម៉ែត្រ, ២២,៦ គីឡូម៉ែត្រ និង ៤២,៥ គីឡូម៉ែត្រ ដើម្បីជាសក្ខីភាពនៃការដាក់បញ្ជូលប្រាសាទព្រះវិហារចូលក្នុងបញ្ជីបេតិកភណ្ឌពិភពលោកនៅឆ្នាំ ២០២៥ នេះ គឺមានការចូលរួមពីមហាជនប្រមាណជាង ១០០០ នាក់ឯណោះ ខណៈកាលពីឆ្នាំ ២០២៤ មានការចូលរួម ជាង ៨០០ នាក់ ប៉ុណ្ណោះ។
ជាការពិត អ្វីដែលកាន់តែគួរឱ្យរំភើបទៅទៀតនោះ ការរៀបចំការរត់ឡើងប្រាសាទព្រះវិហារ ក្នុងកម្មវិធី Preah Vihear Temple Run 2025 នេះ បើទោះតំបន់ក្បែរប្រាសាទព្រះវិហារ កំពុងមានបញ្ហាព្រំដែនក្តី ប៉ុន្តែមហាជនទាំងជាតិ និង អន្តរជាតិជាច្រើន បានបង្ហាញឆន្ទៈក្នុងការចូលរួមរត់ឡើងទៅកំពូល ប្រាសាទព្រះវិហារយ៉ោងមោទកភាព៕
