នៅរសៀលថ្ងៃទី ២២ ខែសីហា ឆ្នាំ ២០២៥ នេះ ក្រសួងអប់រំយុវជន និង កីឡា បានធ្វើសន្និសីទសារព័ត៌មានស្ដីពី «ដំណើរការរៀបចំការប្រឡងសញ្ញាបត្រមធ្យមសិក្សាទុតិយភូមិ» សម័យប្រឡង ២៨ សីហា ២០២៥។
តាមរយៈសន្និសីទសារព័ត៌មាន រដ្ឋមន្ត្រីក្រសួងអប់រំយុវជន និង កីឡា ឯកឧត្តម ហង់ ជួនណារ៉ុន បានមានប្រសាសន៍ជម្រាបជូននូវកាលបរិច្ឆេទសំខាន់ៗនៃការប្រឡងឆ្នាំនេះ ដូចតទៅ៖
១. ដំណើរការសំណេរ ប្រព្រឹត្តទៅក្នុងរយៈពេល ២ ថ្ងៃ គឺថ្ងៃទី ២៨-២៩ ខែសីហា ឆ្នាំ ២០២៥
២. ដំណើរការកំណែ គឺចាប់ផ្ដើមពីថ្ងៃទី ៣១ ខែសីហា ដល់ថ្ងៃទី ០៦ ខែកញ្ញា ឆ្នាំ ២០២៥
៣. ដំណើរការស្រង់បូកពិន្ទុដោយកុំព្យូទ័រ និង ផ្ទៀងផ្ទាត់ពិន្ទុ គឺចាប់ផ្ដើមពីថ្ងៃទី ០៧ ដល់ថ្ងៃទី ១៨ ខែកញ្ញា ឆ្នាំ ២០២៥
៤. ការប្រកាសលទ្ធផល គឺនៅថ្ងៃទី ២០ ខែកញ្ញា ឆ្នាំ ២០២៥៕
