កន្លងមកមហាជននិយមតាមដានជីវិត ទាំងសិល្បៈ និង ឯកជនរបស់តារាស្រីឆ្នើម អ្នកនាង ស្វែង សុជាតា ច្បាស់ជាបានជ្រាបហើយ ថាអ្នកនាង ត្រូវបានចាត់ទុកថា ជាសិល្បការិនីមួយរូប ទទួលបានកេរ្តិ៍ឈ្មោះបោះសំឡេងទាំងលើឆាកជាតិ និង អន្តរជាតិ ក៏ព្រោះតែទេពកោសល្យនៃការសម្តែងរបស់អ្នកនាង។ យ៉ាងណាមិញ បើក្រឡេកទៅជីវិតឯកជនពាក់ព័ន្ធនឹងបេះដូងវិញ អ្នកនាង ក៏ត្រូវបានចាត់ទុកថា ជានារីអភ័ព្វស្នេហ៍មួយរូប ដែលធ្លាប់ជួបរឿងបែកបាក់គ្រួសារ មានឈ្មោះជាស្ត្រីមេម៉ាយ។
យ៉ាងណាមិញ ក្រោយស្ពាយឈ្មោះជាស្ត្រីមេម៉ាយអស់រយៈពេលច្រើនឆ្នាំនោះ ថ្មីៗនេះ អ្នកគាំទ្រ និង មិត្តទាំងក្នុង ក្រៅសិល្បៈជាច្រើនមានការភ្ញាក់ផ្អើលយ៉ាងខ្លាំង និង បានចូលរួមអបអរសាទដល់អ្នកនាង ស្វែង សុជាតា បន្ទាប់ពីតារាស្រីរូបនេះ បានស្វែងរកឃើញម្ចាស់បេះដូងថ្មី និង ប្រកាសរៀបការ ព្រមទាំងបានថត Pre-Wedding រួចរាល់ហើយដែរ។
ក្នុងនោះ ក្រោយប្រកាសពីដំណឹងល្អហើយ សម្រាប់ថ្ងៃមង្គលជ័យ អ្នកនាង ស្វែង សុជាតា និង អនាគតស្វាមី ក៏បានជម្រាបឱ្យដឹងដូចគ្នាដែរ ដោយអ្នកនាង ស្វែង សុជាតា បានបង្ហោះរូបភាពគំរូនៃធៀបមង្គលការ ក្នុងនោះបានបង្ហាញពីពេលាល្អនៃថ្ងៃមង្គលជ័យរបស់អ្នកទាំងពីរ នឹងរៀបចំនៅថ្ងៃទី ០៥ ខែធ្នូ ឆ្នាំ ២០២៥ ខាងមុខនេះ ពោលគឺខុសត្រូវគ្នាជាមួយគូ នាយព្រែក និង ឈិន មុន្នីនាថ តែមួយថ្ងៃប៉ុណ្ណោះ ដោយគូស្នេហ៍វ័យក្មេងនេះ នឹងចូលរោងការនៅថ្ងៃទី ៧ ខែធ្នូ ឆ្នាំ ២០២៥៕
សូមចុចទីនេះ ដើម្បីទស្សនាវីដេអូ៖
