នៅព្រឹកថ្ងៃទី ២៦ ខែមិថុនា ឆ្នាំ ២០២៥ នេះ ទូរទស្សន៍ជាតិ ខេត្តបន្ទាយមានជ័យ បានជូនដំណឹងពីករណីនៃការបញ្ជូនសពជនជាតិខ្មែរម្នាក់ មកពីប្រទេសថៃ តាមច្រកព្រំដែនអន្តរជាតិប៉ោយប៉ែត ខេត្តបន្ទាយមានជ័យ។
តាមប្រភពព័ត៌មានបានឱ្យដឹងថា នៅថ្ងៃទី ២៥ ខែមិថុនា ឆ្នាំ ២០២៥ វេលាម៉ោង ១៧:៤០ នាទី ស្ថានទូតនៃព្រះរាជាណាចក្រកម្ពុជា ប្រចាំទីក្រុងបាងកកប្រទេសថៃ បានបញ្ជូនសាកសពពលរដ្ឋខ្មែរម្នាក់ មានឈ្មោះ ឃាង ម៉េងស៊័ង ភេទប្រុស បានស្លាប់ដោយសារជំងឺកោសិកាប្រឆាំងកោសិកាខ្លួនឯង។
តាមប្រភពបានបន្តថា សពឈ្មោះ ឃាង ម៉េងស៊័ង បានបាត់បង់ជីវិតដោយសារជំងឺកោសិកាប្រឆាំងកោសិកាខ្លួនឯង បន្ទាប់ពីបានចូលទៅព្យាបាលជំងឺនៅមន្ទីរពេទ្យរាំងស៊ីត ក្រុងបាងកក ប្រទេសថៃ ដែលបច្ចុប្បន្នសពត្រូវបានបញ្ជូនមកប្រទេសកម្ពុជាវិញ តាមច្រកព្រំដែនអន្តរជាតិប៉ោយប៉ែត ដើម្បីទៅធ្វើបុណ្យតាមប្រពៃណីនៅភូមិប៉ើស១ ឃុំប៉ើស១ ស្រុកក្រូចឆ្មារ ខេត្តត្បូងឃ្មុំវិញ៕
