បើគិតមកដល់ពេលនេះ រយៈពេលប្រមាណជាង ១ ឆ្នាំ មកហើយ ដែលស្រីស្រស់ប្រុសស្អាត លោក ពឹង ពុទ្ធិស័ក្ត និង កញ្ញា អ៊ីងអ៊ីង បានបង្ហាញចំណងស្នេហ៍ក្រៅសាច់រឿង ជាគូសង្សារនឹងគ្នា។
ក្នុងនោះ ក្រោយពីប្រកាសពីទំនាក់ទំនងលើសពីមិត្ត មហាជនអ្នកគាំទ្រ ក៏តែងចាប់ក្រសែភ្នែកមើលជីវិតគូរបស់តារាប្រុសស្រីទាំង ២ រូប ដោយមើលទៅពិតជាស័ក្តិសមគ្នាយ៉ាងខ្លាំង ខណៈ លោក ពឹង ពុទ្ធិស័ក្ត និង កញ្ញា អ៊ីងអ៊ីង ស្រស់ស្អាត ស្រស់សង្ហាដូចគ្នា និង មានប្រជាប្រិយភាពដូចគ្នាផងនោះ។
ដោយឡែក ក្រោយចំណងស្នេហ៍សាងបានប្រមាណជាង ១ ឆ្នាំ ហើយនោះ មហាជនសង្កេតឃើញថា ភាពផ្អែមល្ហែមរបស់អ្នកទាំង ២ ហាក់មិនប្រែប្រួលទៅណាឡើយ ដោយពីមួយថ្ងៃទៅមួយថ្ង លោក ពឹង ពុទ្ធិស័ក្ត និង កញ្ញា អ៊ីងអ៊ីង តែងតែបង្ហាញពីចំណងស្នេហ៍ដ៏ស្អិតល្មួតកាន់តែខ្លាំង។ លើសពីនោះ អ្វីដែលគួរឱ្យចាប់អារម្មណ៍ បើទោះជាម្នាក់ៗមមាញឹកទាំងការងារសិល្បៈ និង ក្រៅសិល្បៈដូចគ្នាក្តី ប៉ុន្តែអ្នកទាំងពីរ តែងតែចំណាយពេលឱ្យគ្នាជានិច្ច៕
