ជាការពិតណាស់ កន្លងមកមហាជននិយមតាមដានពីជីវិតឯកជនរបស់ លោកយាយ យ៉យ ម្តាយរបស់ នាយព្រែក ច្បាស់ជាបានជ្រាបខ្លះមកហើយពីជីវិតអាពាហពិពាហ៍របស់វីរៈសិល្បករអាយ៉ៃជើងចាស់រូបនេះ ដែលបច្ចុប្បន្ន គឺមានកូនប្រុសស្រីចំនួន ២ នាក់។ ក្នុងនោះកូនស្រីច្បងរបស់លោកយាយ យ៉យ គឺជាកូនប្រសារបស់ដៃគូអាយ៉ៃ ឯកឧត្តម ព្រហ្ម ម៉ាញ និង កូនប្រុសពៅ គឺ នាយព្រែក នេះឯង។
យ៉ាងណាមិញ បើនិយាយពីស្វាមីរបស់លោកយាយ យ៉យ ឯណោះវិញ អាចនឹងមានមហាជនមួយចំនួនតូចបានស្គាល់ ខណៈមានមហាជនជាច្រើនបានគិតថា យាយយ៉យ គឺជាស្ត្រីមេម៉ាយ ក៏ព្រោះតែកន្លងមកគេពុំដែលឃើញមុខស្វាមីរបស់លោកយាយនោះទេ។
តួយ៉ាង ថ្ងៃអាពាហ៍ពិពាហ៍ នាយព្រែក បានកៀកមកដល់ ស្រាប់តែមហាជនបានឃើញវត្តមានរបស់ស្វាមីលោកយាយ យ៉យ ដែលត្រឡប់មកពីសហរដ្ឋអាមេរិក ខណៈលោកបានទៅរស់នៅទីនោះអស់រយៈពេលប្រមាណ ៣-៤ ឆ្នាំ មកហើយ ជាមួយកូនស្រីច្បង។
ក្នុងនោះដែរ ការពិតទៅចំណងអាពាហ៍ពិពាហ៍ លោកយាយ យ៉យ និង ស្វាមីមិនមានបញ្ហាអ្វីនោះឡើយ តែការរស់នៅបែកគ្នានេះ ក៏ព្រោះស្វាមីទៅរស់នៅឯសហរដ្ឋអាមេរិកប៉ុណ្ណោះ។ ម្យ៉ាងវិញទៀត ជារឿយៗលោកយាយ យ៉យ ធ្វើដំណើរទៅសហរដ្ឋអាមេរិកញឹកញ៉ញនោះ ក៏ទៅលេងស្វាមីដូចគ្នាដែរ៕
