ថ្មីៗនេះ មានករណីមួយនៅឯប្រទេសឥណ្ឌូនេស៊ី ដែលមានចោរមួយរូប ចូលទៅលួចក្នុងផ្ទះគេ ស្រាប់តែភ្លាត់ស្នៀតជាប់នឹងបង្អួច ធ្វើអ្វីមិនកើតដល់ថ្នាក់អង្វរឱ្យយកទៅប៉ុស្តិ៍ប៉ូលិស។
តាមព័ត៌មានបានឱ្យដឹងថា ហេតុការណ៍នេះបានកើតឡើងនៅក្នុងទីក្រុងចាកាតា ប្រទេសឥណ្ឌូនេស៊ី ដោយចោរមួយរូបនេះបានចូលទៅលួចរបស់នៅក្នុងផ្ទះមួយខ្នង ហើយក៏ត្រូវបានម្ចាស់គេចាប់ជាប់ខណៈកំពុងរត់គេចទៅតាមបង្អួច។ ម្ចាស់ផ្ទះ និងអ្នកជិតខាងជាច្រើននាក់ បានរោមចាប់ក្របួចចោរនេះជាប់ ដែលធ្វើឱ្យចោររត់គេចមិនបាន ហើយជាប់ខ្លួននៅនឹងបង្អួចនោះអស់ជាច្រើនម៉ោង ហើយក្រោយពីវេទនាខ្លាំងពេក ចោរខាងលើក៏បានសុំអង្វរឱ្យម្ចាស់ផ្ទះនាំខ្លួនគេទៅប៉ុស្តិ៍ប៉ូលិសតែម្តងទៅ។
យ៉ាងណាមិញ រឿងរ៉ាវមួយនេះ បានធ្វើឱ្យមហាជននៅតាមបណ្តាញសង្គមមានការហួសចិត្ត លាយឡំនឹងការអស់សំណើចមិនតិចឡើយ ហើយអ្នកខ្លះក៏បានផ្តល់យោបល់ថា គួរឱ្យជាប់នៅបង្អួចនេះឱ្យយូរបន្តិចទៀត ដើម្បីជាការដាក់ទោសក៏ល្អដែរ៕
