ចែកគ្នាដឹង! ពេលយករថយន្តឆៀក បើមិនចង់រត់ទៅរត់មកខាតពេល កាន់តែឯកសារប៉ុន្មានមុខនេះរំភើយហើយ

នាពេលថ្មីៗនេះ ក្រសួងសាធារណការ និង ដឹកជញ្ជូន បានចែករំលែកចំណេះដឹងជូនទៅកាន់សាធារណៈជនដើម្បីឈ្វេងយល់ អំពីនីតិវិធីស្នើសុំត្រួតពិនិត្យលក្ខណៈបច្ចេកទេសយានជំនិះ (ឆៀក)។

ក្នុងនោះ ដើម្បីស្នើសុំត្រួតពិនិត្យលក្ខណៈបច្ចេកទេសយានជំនិះ (ឆៀក) គឺតម្រូវមានឯកសារភ្ជាប់ដូចជា ៖

១.​ ចំពោះរថយន្តដែលមិនទាន់ចុះបញ្ជីសុំផ្លាកលេខ ត្រូវមានឯកសារដូចជា ៖

– អត្តសញ្ញាណបណ្ណសញ្ជាតិខ្មែរ ឬ លិខិតឆ្លងដែន ឬ​ សៀវភៅគ្រួសារ ឬ បណ្ណប៉ាតង់

– បង្កាន់ដៃពន្ធនាំចូល (អាចថតចម្លង)

– បង្កាន់ដៃបង់ប្រាក់

– ពាក្យស្នើសុំត្រួតពិនិត្យលក្ខណៈបច្ចេកទេសយានជំនិះ (ឆៀក)

២. ចំពោះយានយន្តធ្លាប់ចុះបញ្ជីរួច ត្រូវមានឯកសារ ៖

– បណ្ណសម្គាល់យានយន្ត (ថតចម្លង)

– ពាក្យស្នើសុំត្រួតពិនិត្យលក្ខណៈបច្ចេកទេសយានយន្ត

– វិញ្ញាបនបត្រត្រួតពិនិត្យលក្ខណៈបច្ចេកទេសយានជំនិះ (ឆៀក) / បង្កាន់ដៃបង់ប្រាក់

លោកអ្នកអាចចុះឈ្មោះឆៀកតាមអនឡាញ ៖ https://techinspection.mpwt.gov.kh ។ សម្រាប់ព័ត៌មានលម្អិតបន្ថែម អាចទាក់ទងលេខប្រឹក្សាយោបល់ក្នុងម៉ោងធ្វើការដោយឥតគិតថ្លៃ 1275៕

ប្រភព ៖ ក្រសួងសាធារណការ និង ដឹកជញ្ជូន