មានករណីមួយនៅប្រទេសទួគី ដែលជាករណីរំជួលចិត្តយ៉ាងខ្លាំងសម្រាប់អ្នកស្រឡាញ់សត្វ ដែលមានសត្វសុនខមួយក្បាល ខំរត់កាត់ភ្លៀងត្រុកៗ ពាំកូនដែលកំពុងឈឺធ្ងន់ទៅពេទ្យសត្វ ដើម្បីគេជួយជីវិតកូន។
ករណីមួយនេះ ត្រូវបានចែកចាយដោយគ្លីនិកសត្វមួយកន្លែង នា Beylikduzu Alfa រដ្ឋ Istanbul ប្រទេសទួគី។ ដោយគេបានរៀបរាប់ឱ្យដឹងថា មានសុនខមួយក្បាលបានពាំកូនក្នុងសភាពគួរឱ្យអាណិតមកដល់មុខទ្វារគ្លីនិក ឃើញដូច្នោះខាងគ្រូពេទ្យក៏បានប្រញាប់ទទួលកូនឆ្កែនោះមកពិនិត្យមើលទៅក៏ឃើញថា កូនឆ្កែកំពុងតែមានចង្វាក់បេះដូង និង កម្តៅចុះទាបយ៉ាងខ្លាំង គឺស្ថិតក្នុងសភាពគ្រោះថ្នាក់ ទើបគេបានបញ្ជូនទៅសង្រ្គោះបន្ទាន់ ចំណែកឯចំណែកឯសុនខជាម្តាយវិញ បាននៅក្បែរកូនមិនព្រមទៅឡើយ ពិតជាគួរឱ្យរំជួលចិត្តខ្លាំងណាស់។
តាមព័ត៌មានបានឱ្យដឹងទៀតថា តាមពិតទៅសុនខមួយក្បាលនេះមានកូន ៦ ក្បាល តែកូនៗរបស់វាបានឈឺស្លាប់អស់ទៅហើយ ហើយមុននេះមានអ្នកជួយយកមកសង្រ្គោះមួយក្បាល នៅសល់តែមួយក្បាលចុងក្រោយនេះ ទើបវាដាច់ចិត្តពាំមកសុំជំនួញដល់ពេទ្យសត្វ។ យ៉ាងណាមិញ សុនខទាំងម្តាយទាំងកូន ត្រូវបានគ្រូពេទ្យមើលថែយ៉ាងដិតដល់ ហើយគេសង្ឃឹមថានឹងរកផ្ទះថ្មីឱ្យពួកវាបានផងដែរ៕
ប្រភព៖ Khaosod
