នៅថ្ងៃទី ២៧ ខែសីហា ឆ្នាំ ២០២៥ ក្រសួងព័ត៌មាន បានចេញសេចក្តីប្រកាសព័ត៌មានរួម ស្ដីពីលទ្ធផលនៃកិច្ចប្រជុំវិសាមញ្ញគណៈកម្មាធិការព្រំដែនថ្នាក់យោធភូមិភាគ (RBC) រវាងយោធភូមិភាគទី ៤ របស់កម្ពុជា និង កងទ័ពភូមិភាគទី ២ របស់ថៃ នៅថ្ងៃទី ២៧ ខែសីហា ឆ្នាំ២០២៥ ដោយភាគីថៃធ្វើជាម្ចាស់ផ្ទះ។
តាមរយៈលិខិតបានឱ្យដឹងថា កិច្ចប្រជុំវិសាមញ្ញរបស់គណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) បានប្រព្រឹត្តទៅ នៅថ្ងៃទី ២៧ ខែសីហា ឆ្នាំ ២០២៥ នេះ នៅខេត្តស៊ីសាកេត ព្រះរាជាណាចក្រថៃ ដែលកិច្ចប្រជុំនេះត្រូវបានដឹកនាំដោយ សហប្រធាន ឯកឧត្តម ឧត្តមសេនីយ៍ឯក ប៊ុនស៊ីន ផាតភ្លាង មេបញ្ជាការកងទ័ពភូមិភាគទី២ និង សហប្រធាន ឯកឧត្តម ឧត្តមសេនីយ៍ឯក ពៅ ហេង មេបញ្ជាការយោធភូមិភាគទី៤។ កិច្ចប្រជុំនេះ មានគោលបំណងលើកកម្ពស់កិច្ចពិភាក្សា និង បង្កើនជំនឿទុកចិត្តសំដៅកាត់បន្ថយ ភាពតានតឹង និង រក្សាសន្តិភាពនៅតាមបណ្តោយព្រំដែន ដោយប្រើប្រាស់យន្តការចាំបាច់ផ្សេងៗ ដើម្បីដោះស្រាយ ភាពខុសគ្នាដោយសន្តិវិធី និង បញ្ចៀសការប៉ះទង្គិចគ្នា ក្នុងស្មារតីនៃភាពជាអ្នកជិតខាងល្អ មិត្តភាព និង សាមគ្គីភាព។
ក្នុងស្មារតីនេះ ភាគីទាំងពីរបានឯកភាពគ្នា ១១ ចំណុច មានដូចក្នុងលិខិតខាងក្រោម៖
