និយាយពី នី ហង្សាចូលី កូនស្រីរបស់តារាសម្ដែងរៀមច្បង គឺជំទាវ ចន ច័ន្ទលក្ខិណា មកដល់ពេលនេះ កាន់តែធំពេញរូបពេញរាង មានរូបសម្រស់ និង ទម្រង់មុខស្រស់សោភាមិនចាញ់ម្ដាយនោះទេ។ ម្យ៉ាងវិញទៀត មហាជនអ្នកគាំទ្រតែងសរសើរពីសម្រស់កូនស្រីរបស់លោកជំទាវមិនដាច់ពីមាត់ ដោយលើកឡើងថា ចូលី ពេលកាន់តែធំពេញវ័យ រឹតតែមានទម្រង់មុខដូចម្ដាយបេះដាក់គ្មានខុសបន្តិច។
លើសពីនេះ កូនស្រីបណ្ដូលចិត្តរបស់ជំទាវ ចន ច័ន្ទលក្ខិណា កាន់តែធ្វើឱ្យមហាជនចាប់អារម្មណ៍ និង សរសើរខ្លាំង ខណៈឈានចូលវ័យ ១៨ ឆ្នាំ នី ហង្សាចូលី កាន់តែពេញក្រមុំសម្រស់កាន់តែស្រស់ស្អាតខ្លាំង ពិសេសស្ទីលលេងខ្លួនថ្មីៗបង្ហោះលើបណ្ដាញសង្គមយ៉ាងទាក់ទាញ។
ជាក់ស្ដែង ថ្មីៗនេះ នី ហង្សាចូលី កាន់តែឆក់បានការសរសើរខ្លាំងពីរូបសម្រស់របស់នាង ក្រោយពីបានឃើញតុបតែងខ្លួនក្នុងឈុតក្រហមសិចស៊ីមួយបែបចិន ឃើញថាទាំងរូបរាង មុខមាត់ ដងខ្លួនស្រឡូនស្រស់ស្អាត កំពុងប្រទាក់បានក្រសែភ្នែករបស់មហាជនជាច្រើន៕
