កាលពីប៉ុន្មានថ្ងៃមុននេះ តារាចម្រៀង អ្នកនាង គង់ ចាន់រដ្ឋា និង ស្វាមី គឺ លោក ស៊ិន សុភា និង ប្អូនប្រុសលោក ស៊ិន សុភ័ក្ត្រ ក្រុមចម្រៀង Twin Boys បានបង្ហោះក្តីព្រួយបារម្ភខណៈម្តាយក្មេក និង ម្តាយបង្កើតឈឺធ្ងន់សម្រាកក្នុងមន្ទីរពេទ្យ។
យ៉ាងណាមិញ នៅព្រឹកថ្ងៃទី ១៦ ខែឧសភា ឆ្នាំ ២០២៥ នេះ លោក ស៊ិន សុភា និង លោក ស៊ិន សុភ័ក្ត្រ ដែលក្រុម Twin Boys និង ជាកូនបង្កើតបានជម្រាបដំណឹងដ៏សោកសៅថា អ្នកម្តាយរបស់ពួកលោកបានទទួលមរណភាពហើយ។
ក្នុងនោះ មិត្តទាំងក្នុង និង ក្រៅសិល្បៈបានចូលរួមរំលែកទុក្ខដល់លោក ស៊ិន សុភា និង លោក ស៊ិន សុភ័ក្ត្រ ដែលជាកូនបង្កើត និង អ្នកនាង គង់ ចាន់រដ្ឋា ដែលជាកូនប្រសា ពីការបាត់បង់ម្តាយជាទីស្រឡាញ់នេះផងដែរ៕