ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំម្សាញ់ ឆ្នាំ ២០២៥ រដ្ឋបាលរាជធានីភ្នំពេញ បានរៀបចំរថយន្តក្រុងចំនួន ៥៩៧ គ្រឿង សម្រាប់ដឹកជញ្ជូនសាធារណៈពីភ្នំពេញទៅបណ្ដាខេត្ត និង ពីបណ្ដាខេត្តត្រឡប់មករាជធានីភ្នំពេញវិញដោយមិនបង់ប្រាក់ រយៈពេល ៦ ថ្ងៃ ចាប់ពីថ្ងៃទី ១២ ដល់ថ្ងៃទី ១៧ ខែមេសា ឆ្នាំ ២០២៥។
ការរៀបចំនេះផងដែរ ធ្វើឡើងដើម្បីជួយសម្រួលដល់ការចំណាយរបស់បងប្អូនប្រជាពលរដ្ឋទាំងអស់ ក្នុងការធ្វើដំណើរទៅលេងស្រុកកំណើត ជួបជុំបងប្អូនក្រុមគ្រួសារ និង ទៅកម្សាន្តសប្បាយសង្ក្រាន្តឆ្នាំថ្មី នៅតាមបណ្តាខេត្តនានា ក្នុងឱកាសអបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំម្សាញ់។
ក្នុងនោះផងដែរ សម្រាប់គោលដៅចេញពីខេត្តសៀមរាប ត្រឡប់ទៅរាជធានីភ្នំពេញវិញ មានរថយន្តសរុបចំនួន ១១២ គ្រឿង ចេញដំណើរចាប់ពីម៉ោង ៦៖៣០ នាទីព្រឹក ដល់ម៉ោង ១១៖៣០ នាទីព្រឹក ថ្ងៃទី ១២ ដល់ថ្ងៃទី ១៧ មេសា ២០២៥ នៅទីតាំងចេញដំណើរស្ថិតត្រង់ចំណុចបុរីរដ្ឋបាលខេត្តសៀមរាប វិថីសម្ដេចវិបុលបញ្ញា សុខ អាន (ផ្លូវ ៦០ ម៉ែត្រ) ទៅដល់ចំណតរាជធានីភ្នំពេញ ស្ថិតនៅដីឡូត៏តំបន់ OCIC ជ្រោយចង្វារ (រង្វង់មូលទេពមច្ឆា)៕
សូមអានសេចក្ដីលម្អិតនៅខាងក្រោម ៖ 
