ចាប់តាំងពី នាយព្រែក និង តារាសម្ដែងវ័យក្មេង កញ្ញា ឈិន មុន្នីនាថ បើកបង្ហាញពីទំនាក់ទំនងស្នេហ៍ និង សារភាពថាកំពុងទាក់ទងមើលចិត្តថ្លើមគ្នាមកមានរយៈពេលច្រើនឆ្នាំមកហើយ ដោយបច្ចុប្បន្នចំណងបេះដូងរបស់តារាប្រុសស្រីទាំងពីរ កាន់តែត្របាញ់ចូលគ្នា និង យល់ចិត្តគ្នាទៅវិញទៅមក។
ដោយឡែក ខណៈឃើញអ្នកសិល្បៈជាច្រើន បានរៀបចំពិធីមង្គលការសាងគ្រួសាររួមរស់ជាប្ដីប្រពន្ធកាន់តែច្រើនឡើងពីមួយឆ្នាំទៅមួយឆ្នាំ ស្រាប់តែអ្នកគាំទ្រក៏នឹកភ្នក់ចង់ឃើញ នាយព្រែក និង គូស្នេហ៍រកពេលាល្អដើម្បីចូលរោងការសាងអនាគតរួមគ្នាដែរ ព្រោះថាគ្រួសារទាំងសងខាងក៏សុទ្ធតែជាអ្នកសិល្បៈ ហើយបានត្រូវរូវគ្នាអស់ហើយ។
យ៉ាងណាមិញ ងាកមកសាមីខ្លួនទាំងពីរវិញ ដ្បិតថាស្នេហាកាន់តែរលូនចិត្ត និង បេះដូងប្រាកដថានឹងចាប់ដៃគ្នាទៅថ្ងៃអនាគតមែន ប៉ុន្ដែ នាយព្រែក និង កញ្ញា ឈិន មុន្នីនាថ ហាក់មិនទាន់បង្ហើបរឿងរៀបការនៅឡើយទេ ដោយពួកគេម្នាក់ៗនៅប្រឹងប្រែងរកលុយរៀងៗខ្លួនសិន៕
