ប្រពន្ធចិត្តព្រះ! តាមទាន់បានប្តីមានស្រីនៅនឹងភ្នែក តែចិត្តធម៌អត់ធ្វើបាបស្រីប្តី សុខចិត្តពួយតែប្តីខ្លួនឯងសឹងជ្រុះធ្មេញ

ថ្មីៗនេះ នៅតាមបណ្តាញសង្គមក្នុងប្រទេសចិន កំពុងមានការផ្ទុះចែកចាយនូវរឿងរ៉ាវរបស់ស្រ្តីម្នាក់ដែលចាប់បានប្តីលួចមានស្រីផ្ទាល់ៗនៅលើគ្រែ តែចិត្តធម៌មិនវាយតប់មនុស្សស្រីដូចគ្នា សុខចិត្តទះតប់តែប្តីខ្លួនឯងសឹងតែជ្រុះធ្មេញ។

តាមព័ត៌មានបានឱ្យដឹងថា ស្រ្តីជាប្រពន្ធ ព្រមទាំងញាតិមិត្តបាននាំគ្នាបុកទៅចាប់ប្តី ដែលកំពុងតែនៅជាមួយស្រីនៅក្នុងបន្ទប់មួយកន្លែង។ ខណៈទៅដល់ភ្លាមៗ ស្រ្តីជាប្រពន្ធបានស្ទុះទៅទះតប់ប្តីចំនួនបីបួនដៃខ្លាំងៗ ព្រមទាំងជេរស្តីជាពាក្យពេចន៍អសុរោះជាច្រើន ហើយបានបើកភួយថតប្តីទុកជាភស្តុតាងទៀត។ ដោយឡែក អ្វីដែលធ្វើឱ្យមហាជនសរសើរនោះ គឺស្រ្តីជាប្រពន្ធមិនបានទះតប់ស្រីជាសហាយប្តីឡើយ ដោយនាងបានចាប់ដៃស្រីនោះតិចៗ រើសខោអាវឱ្យស្លៀកពាក់ ហើយសួរដោយក្តីបារម្ភទៀតថា តើប្តីរបស់ខ្លួនបានបោកប្រាស់នាងឬយ៉ាងណា តើប្តីខ្លួនមានធ្វើបាបនាងឬទេ។

យ៉ាងណាមិញ មហាជននៅតាមបណ្តាញសង្គមបានឃើញហើយ ពិតជាសរសើរទឹកចិត្តស្រ្តីជាប្រពន្ធខ្លាំងណាស់ ដែលមានមេត្តាមិនទះតប់មនុស្សស្រីដូចគ្នា សុខចិត្តសួរនាំដោយចិត្តត្រជាក់ ហើយនេះគឺជារឿងដែលកម្រឃើញប្រពន្ធដើមធ្វើបានណាស់៕

ប្រភព៖ Kapook