ត្រឹមធ្វើឡើងពីសំណល់រឹងចាស់ៗ ដែលគេបោះចោល តែអាចផ្គុំឡើងក្លាយជាចម្លាក់រូបអប្សរាដ៏អស្ចារ្យ និង គួរឱ្យទាក់ទាញបំផុត។ ជាការពិត ចម្លាក់អប្សរានេះទើបតែដំឡើង និង កែលម្អថ្មី ដោយសិល្បករសូនរូបដ៏ល្បីម្នាក់ ដែលមានស្រុកកំណើតនៅខេត្តកណ្តាល នោះគឺ លោក អ៊ូ វណ្ណឌី។
តាមរយៈការបង្ហោះនៅលើបណ្តាញសង្គម រូបចម្លាក់នេះមិនទាន់មានម្ចាស់នោះទេ ពោលគឺកំពុងស្វែងរកអ្នកជាវដើម្បីក្លាយជាកម្មសិទ្ធិ។
បង្ហោះរូបភាពទើបតែប៉ុន្មានម៉ោង រូបចម្លាក់នេះទទួលបានការចាប់អារម្មណ៍ខ្លាំង ដោយមានអ្នក Like, Share និង Comment សរសើរជាហូរហែ។ ជាពិសេស មានអ្នក Share សរសេរថា «ខ្មែរយើងពូកែអីចឹង ស្នាដៃល្អពិត របស់ពិតមានតែមួយគ្មានពីរ»។
គួរឱ្យដឹងដែរថា លោក អ៊ូ វណ្ណឌី គឺជាសិល្បករសហសម័យ ដែលមានជំនាញដ៏កម្រមួយរូបនៅកម្ពុជា លោកបានយកគ្រឿងបន្លាស់ឡាន-ម៉ូតូ និង ដែកចាស់ៗ និង ខ្លះគេបោះចោលមកច្នៃជារូបចម្លាក់សត្វនានា និង វត្ថុប្រើប្រាស់ដ៏ប្លែក និង ទាក់ទាញ។ ចម្លាក់ធ្វើកន្លងមកមានដូចជា រូបហនុមាន គោព្រៃ នង្គ័ល របាំត្រុដិ និង រូបដំរីជាដើម។ រូបចម្លាក់របស់លោកមិនត្រឹមតែមានទីផ្សារក្នុងស្រុកប៉ុណ្ណោះទេ តែថែមទាំងធ្លាប់លក់ចេញទៅប្រទេសផ្សេងៗដូចជា ម៉ាឡេស៊ី អូស្ត្រាលី និង បារាំងជាដើម៕
