ជាការពិតណាស់ បើទោះជាពិធីមង្គលការបានរៀបចំចប់សព្វគ្រប់ហើយក្តី តែភរិយាស្វាមីថ្មីថ្មោង អ្នកនាង រ៉ាប៊ី និង លោក Nick Taylor នៅតែទទួលបានការជូនពរ និង អបអរជាបន្តបន្ទាប់នៅលើបណ្តាញសង្គមនានា ដោយរូបភាពនាថ្ងៃពិសេសរបស់អ្នកទាំង ២ នៅតែត្រូវបានចែករំលែកជាហូរហែពេញបណ្ដាញសង្គមហ្វេសប៊ុក។
ដោយឡែក អ្នកគាំទ្រលោក Nick Taylor ឯណោះវិញ ច្បាស់ជាបានជ្រាបហើយថា ក្រោយពីពិធីមង្គលការចប់រួចរាល់ភ្លាម កីឡាករបាល់ទាត់រូបនេះ ក៏មានការប្រកួតដ៏ធំនៅថ្ងៃទី ១០ ខែឧសភា ឆ្នាំ ២០២៥ កន្លងទៅ ក្នុងវគ្គផ្តាច់ព្រ័ត្រ AFC Challenge League 2024/2025 រវាងព្រះខ័នរាជស្វាយរៀង និង FC Arkadag នៅឯពហុកីឡដ្ឋានជាតិមរតកតេជោ ដោយលទ្ធផលក្រុម FC Arkandag យកឈ្នះលើក្រុមព្រះខ័នរាជស្វាយរៀង ២-១។
យ៉ាងណាមិញ ក្រោយការប្រកួតចប់ អ្នកគាំទ្របានចាប់អារម្មណ៍នឹងវីដេអូមួយត្រូវបានបង្ហោះឡើងនៅលើបណ្តាញសង្គម Tik Tok បង្ហាញពីក្តីស្រឡាញ់របស់លោក Nick Taylor បន្ទាប់ពីការប្រកួតរត់ទៅរកអ្នកនាង រ៉ាប៊ី ជាភរិយាភ្លាមៗ។
ក្នុងនោះដែរ ក្រោយទទួលបានមេដាយហើយ លោក Nick Taylor បានរត់ទៅរកភរិយានៅកន្លែងអ្នកទស្សនា និង ស្រែករកអ្នកនាង រ៉ាប៊ី ក្នុងន័យថា៖ «ប្រពន្ធខ្ញុំ នៅឯណា?»។ ភ្លាមនោះ កញ្ញា រ៉ាប៊ី ក៏ចេញមក ហើយលោក Nick បានឱនថើបភរិយារួចហុចមេដាយឱ្យភរិយានៅមុខអ្នកគាំទ្រ ធ្វើឱ្យម្នាក់ៗញញឹមបិទមាត់មិនជិត៕
សូមចុចទីនេះ ដើម្បីទស្សនាវីដេអូ៖
