ក្រោយពីបានបញ្ចប់ការប្រកួត និង ក្លាយទៅជាបេក្ខជន Top 3 ក្នុងកម្មវិធី MasterChef Cambodia រដូវកាលទី ៣ ហើយនោះ កញ្ញា ម៉ាលីន កាន់តែទទួលបានប្រជាប្រិយភាពជាបន្តបន្ទាប់ ដោយនាងត្រូវបានបណ្តាក្រុមហ៊ុនជាច្រើនទាក់ទងទៅផ្សព្វផ្សាយផលិតផលនានា និង ចូលរួមកម្មវិធីជាច្រើន។
លើសពីនោះ ក្រៅពីទទួលបានការងារជាបន្តបន្ទាប់នេះហើយ កញ្ញា ម៉ាលីន ក៏មានឈ្មោះជាថៅកែស្រីដែលកំពុងមមាញឹកក្នុងមុខជំនួញបើកផ្ទះលំហែរបស់ខ្លួន ដែលមានទីតាំងនៅខេត្តកំពត។
ជាការពិតណាស់ ក្រោយបញ្ចប់ការប្រកួតអស់រយៈពេលប្រមាណជាកន្លះឆ្នាំមកនោះ កញ្ញា ម៉ាលីន ក៏ពុំសូវបានជួបនឹងគណៈកម្មការទាំង ៣ ក្នុងកម្មវិធី MasterChef Cambodia នោះដែរ ដោយថ្មីៗនេះ កញ្ញា ម៉ាលីន ទើបមានឱកាសជួបនឹង Chef ណារ៉ា។
ក្នុងនោះដែរ ក្រោយបានជួប Chef ណារ៉ា ហើយនោះ កញ្ញា ម៉ាលីន បានបង្ហោះសារទម្លាយពីអារម្មណ៍ គោរពស្រឡាញ់ Chef ណារ៉ា រហូតហៅពុកពេញៗមាត់ថា ៖ «Long time no see daddy! និយាយមិនទាន់អស់សុំបន្ថែម caption។ គាត់ជាចាស់ទុំ ជាលោកគ្រូ ហើយខ្ញុំក៏អាចហៅគាត់បានថាជាពុក ព្រោះគាត់មានទឹកចិត្តស្រលាញ់ អប់រំ ផ្តល់ជាគំនិត និង បង្ហាត់បង្រៀនពួកខ្ញុំដូចជាកូនៗ។ គាត់កាចតែមានហេតុផល ជាមនុស្សដែលគួរឱ្យគោរពបំផុតសម្រាប់ខ្ញុំ។ late birthday for him but I wish him all the best»៕
