ចន ច័ន្ទ លក្ខិណា ទរឱ្យ ឯមរៀម ខ្លាំងៗ រឿងយករូបព្រះសិវៈមានមហេសីពីរ មកប្រៀបនឹងរឿងប្រពន្ធដើម ប្រពន្ធចុងកំពុងផ្ទុះល្បី

ជុំវិញរឿងរ៉ាវដ៏ក្ដៅគគុកពាក់ព័ន្ធនឹងករណីភរិយាដើម ប្រើហិង្សាទៅកាន់ស្រីកំណាន់របស់ស្វាមីនោះ មកទល់ពេលនេះ នៅលើបណ្ដាញសង្គមមហាជនបន្តផ្ទុះការចែករំលែកវែកញែករៀងៗខ្លួន ដែលក្នុងនោះក៏បានឃើញជំទាវ ចន ច័ន្ទលក្ខិណា បង្ហោះចេញមតិរបស់ខ្លួនជាបន្ត បន្ទាប់ពី ច្បាប់ឯកពន្ធភាព អនុវត្តន៍លើស្រីយកប្តីគេផង ដើម្បីឱ្យអេតាស៊ីវិលមានតម្លាភាព។

លើសពីនោះ ជំទាវ ចន ច័ន្ទលក្ខិណា បានចេញមកជាថ្មីម្តងទៀត ដោយលោកជំទាវមិនចង់ឃើញមានអំពើហិង្សានោះឡើយ ប៉ុន្តែក៏ត្រូវតែស្វែងរកយុត្តិធម៌ឱ្យប្រពន្ធដើមដែរ ខណៈដូចពាក្យចាស់ពោលថា មានភ្លើង ទើបមានផ្សែង។

ខណៈរឿងមួយនេះនៅតែជាទីចាប់អារម្មណ៍ពីមហាជននៅឡើយ ស្រាប់តែជំទាវ ចន ច័ន្ទលក្ខិណា បានបង្ហោះសារថ្មីមួយទៀតនៅលើគណនីហ្វេសប៊ុកនៅថ្ងៃទី ៤ ខែឧសភា ឆ្នាំ ២០២៥ បានធ្វើឱ្យមហាជនចាប់អារម្មណ៍យ៉ាងខ្លាំង ដោយលោកជំទាវរៀបរាប់ថា៖ «អាណិតជនរងគ្រោះណាស់ដែលកន្លងមកទទួលបានកាដូជិត 50 ដុំហើយ តែមិនស្កប់ចង់បាន 10 ដុំថែម ដល់គេលែងឱ្យស្រែករកយុត្តិធម៌តែម្តង»។ លើសពីនោះ ជំទាវ ចន ច័ន្ទលក្ខិណា ក៏បានបង្ហោះរូបភាពលិខិតកិច្ចសន្យា ដែលស្រីកំណាន់ធ្លាប់បានធ្វើបញ្ចប់ទំនាក់ទំនងជាមួយភាគីប្ដី កាលពីអំឡុងឆ្នាំ ២០២១ ទៀតផង។

ដោយឡែក មុននេះបន្តិច ក៏បានឃើញហ្វេសប៊ុករបស់ជំទាវ ចន ច័ន្ទលក្ខិណា បានចែករំលែក និង បញ្ចញមតិថ្មីមួយទៀត បន្ទាប់ពីបានឃើញលោក ឯម រៀម បង្ហោះសារទាក់ទងនឹងរឿងខាងលើ ដោយលើកយករូបប្រាសាទបុរាណមកប្រៀបធៀបមិនសមទំនង។

ការបង្ហោះរបស់លោក ឯម រៀម បានសរសេរភ្ជាប់ជាមួយរូបភាបប្រាសាទថា ៖ «រូបនេះផ្ញើជូន Team ប្រពន្ធចុង និង Team ប្រពន្ធដើម, សូម្បីតែព្រះសិវៈក៏មានមហេសីពីរព្រះអង្គដែរគឺ ព្រះនាងឧម៉ា និង ព្រះនាងហ្គង់ហ៉្គា ដូចនេះហើយប្រពន្ធចុង និងប្រពន្ធដើម សាងអនាគត់ជុំគ្នា ដូចក្នុងរូប បើចង់ដឹងច្បាស់ទៅទស្សនាប្រាសាទបាគង ខេត្តសៀមរាប»។

ឃើញបែបនេះ អ្នកនាង ចន ច័ន្ទលក្ខិណា ក៏បានចែករំលែកបន្តភ្ជាប់ជាសារតបទៅកាន់លោក ឯម រៀម ថា ៖ «បងនិយាយបែបនេះ គឺ បងកំពុងគាំទ្រវប្បធម៌ សិច លួច ឆក់ ជាសាធារណៈ ក្នុងប្រទេសដែលគោរពឱ្យតម្លៃលើ វប្បធម៌ និង សីលធម៌»៕