បន្ទាប់ពីរង់ចាំរយៈពេល ៩ ខែ ១០ ថ្ងៃ ទីបំផុត តារាចម្រៀង សួស វីសា និង លោក ថមមី បានឃើញមុខទាយាទទី ២ ហើយ ជាកូនប្រុស ពោលគឺអ្នកនាង សួស វីសា បានសម្រាលកូនដោយសុវត្ថិភាព កាលពីថ្ងៃទី ៣ ខែមេសា ឆ្នាំ ២០២៥ កន្លងទៅនេះ។
ក្នុងនោះ កូនប្រុសទី ២ របស់អ្នកនាង សួស វីសា និង លោក ថមមី មានមុខមាត់គួរឱ្យស្រឡាញ់ ស្អាតដូចអូន ចេននី ជាបងស្រី រីឯឈ្មោះវិញក៏ពីរោះ គឺអូនមានឈ្មោះថា ថង សាតារាពិសិទ្ធិ ហៅ ចននី។
ដោយឡែកនៅថ្ងៃទី ២៩ ខែមេសា ឆ្នាំ ២០២៥ នេះ ពោលគឺ ក្រោយសម្រាលកូនប្រុសទី ២ បានប្រមាណ ២០ ថ្ងៃ អ្នកនាង សួស វីសា បានចេញមកបង្ហោះសារបន្តបន្ទាប់យ៉ាងភ្ញាក់ផ្អើល បង្ហាញពីការប្រឹងប្រែងធ្វើការរបស់អ្នកនាងតាំងពីសរសៃខ្ចីបាន ៣ ថ្ងៃ មកម្ល៉េះ។
សារនោះ អ្នកនាង សួស វីសា បានរៀបរាប់ថា៖ «ឈឺក៏មិនហ៊ានឈឺ សម្រាកក៏មិនចង់ត្រង់ខ្លួន ដោយសារតែបន្ទុក និង ទំនួលខុសត្រូវ! គេមើលមកដូចមានសំណាងណាស់ តែខ្ញុំប្រឹងធ្វើការតាំងពីពពោះ រហូតដល់ថ្ងៃកើត កើតហើយបានតែ ៣ ថ្ងៃទេ ប្រឹងងើបមកធ្វើការទៀត»៕
