ចង់ស្អាតខំជិះយន្តហោះទៅចាក់មុខដើម្បីរំញោចខូឡាជេនដល់កូរ៉េ តែភ្លាត់ស្នៀតពិការភ្នែកមួយចំហៀង

ថ្មីៗនេះ មានករណីរបស់នារីម្នាក់ ដែលបានទៅចាក់មុខនៅកូរ៉េដើម្បីរំញោចខូឡាជេន តែចៃដន្យសំណាងមិនល្អស្រាប់តែប៉ះពាល់ដល់ភ្នែក បណ្តាល​ឱ្យពិការមួយចំហៀង។

តាមព័ត៌មានបានឱ្យដឹងថា នារីខាងលើនេះមានអាជីពជាអ្នកឌីហ្សាញ នាងបានទៅកូរ៉េខាងត្បូងដើម្បីទទួលសេវាកម្មទៅលើស្បែក ដែលជា Skin Juvelook Volume ។ ក្នុងនោះ ខាងគ្រូពេទ្យបានចាក់ម្ជុលនៅម្តុំភ្នែកខាងឆ្វេងរបស់នាង នៅពេលនោះនាងស្រាប់តែមានអារម្មណ៍ថាភ្នែកខាងឆ្វេងរបស់នាងមើលមិនឃើញភ្លាមៗ នាងក៏បានប្រាប់គ្រូពេទ្យដែរ តែគ្រូពេទ្យប្រាប់ថាអាចបណ្តាលមកពីថ្នាំស្ពឹក ទើបនាងក៏បានទៅផ្ទះរង់ចាំមើលអាការសិន។

រំលងទៅមួយថ្ងៃ ភ្នែករបស់នាងក៏មើលមិនឃើញដដែល នាងក៏ប្រញាប់ទៅរកពេទ្យភ្នែក ដែលគ្រូពេទ្យក៏បានឱ្យដឹងថាសរសៃឈាមដែលទៅចិញ្ចឹម Retina ភ្នែកខាងឆ្វេងរបស់នាងបានស្ទះ ទើបធ្វើឱ្យនាងមើលមិនឃើញ។ មកទល់ពេលនេះ នាងបានព្យាយាមព្យាបាលតាមវិធីផ្សេងៗតែក៏នៅតែមើលមិនឃើញ ហើយក៏សម្រេចចិត្តយករឿងនេះមកធ្វើជាឧទាហរណ៍ដើម្បីដាស់តឿនអ្នកដែលទទួលសេវាកម្មដូចនាងឱ្យមានការប្រុងប្រយ័ត្ន៕

សូមចុចទីនេះដើម្បីទស្សនាវីដេអូ៖

ប្រភព៖ Kapook