បច្ចុប្បន្ន តុក្កតាបន្តោង Labubu មានប្រជាប្រិយភាពខ្លាំង ហើយតម្លៃវិញក៏សមរម្យត្រឹម ២០ ទៅ ៣០ ដុល្លារ។ ដោយឡែក បើចង់បានអ្វីដែលប្លែក ហើយកាលីបទៀតនោះ អ្នកអាចទិញតុក្កតាបន្តោងរបស់ប្រ៊េន Louis Vuitton ដែលទើបចេញខូឡិកហ្សិនថ្មីក្តៅៗ។
ថ្មីៗនេះប្រ៊េនដ៏ល្បី Louis Vuitton បានបញ្ចេញនូវបន្តោងកាបូបថ្មីចំនួនពីរខូឡិកហ្សិន គឺ Vivienne Fashionista និង Louis Bear ដែលមើលមកឃ្យូត គួរឱ្យក្នាញ់បំផុត។ តុក្កតាបន្តោងនេះ មានរាងច្រឡឹង ទំហំតូចជាងតុក្កតា Labubu ដាក់លម្អកាបូបនឹងបង្កើនភាពទាក់ទាញលំដាប់ខ្ពស់។
បើតាមការបញ្ចេញតម្លៃពីក្រុមហ៊ុន តុក្កតា Vivienne Fashionista មានតម្លៃ ១ ៣៩០ ដុល្លារ ចំណែកតុក្កតា Louis Bear មានតម្លៃ ១ ២៧០ ដុល្លារ។ ខូឡិកហ្សិនតុក្កតាទាំងពីរនេះ នឹងដាក់លក់ផ្លូវការនៅថ្ងៃទី ១០ ខែកក្កដាខាងមុខនេះ៕
