ឃើញ Jade ហាយសូរ ស្លៀកខោអាវប្រ៊េនៗ តែបើតាមឱ្យជាប់ នាងក៏និយមលេងឈុតហូលផាមួងខ្មែរ មួយឈុតៗលេចធ្លោខ្លាំង

ថ្វីបើមិនមែនជាតារាសិល្បៈ តែ អ្នកនាង តាំង ប៉ោហ្គិច ហៅ Jade ដែលគ្រប់គ្នាស្គាល់យ៉ាងច្បាស់ ជាកូនប្រសាស្រី​របស់​ថៅកែ​ហនុមាន នាងមានរូបសម្រស់ និង ប្រជាប្រិយភាពមិនចាញ់តារាល្បីឡើយ។​ អ្នកគាំទ្រតែងតែតាមដានជីវិតហាយសូរបស់នាង រាប់តាំងពីការស្លៀកពាក់ របៀបធ្វើការ ការដើរកម្សាន្ត និង របៀបរស់នៅលំដាប់ខ្ពស់ ដែលផ្នែកមួយជំរុញថាមពលចិត្តផងដែរ។​

ឃើញ Jade នាងលេងខ្លួនជាមួយសម្លៀកបំពាក់ម៉ាកល្បីៗ បង្ហោះរូបភាពមើលមកហាយសូ តែបើតាមដានឱ្យជាប់ទៅ នាងក៏ជាអ្នកនិយមលេងឈុតសម្លៀកបំពាក់បែបប្រពៃណី ជាឈុតហូលផាមួង ក្រណាត់ប៉ាក់ ស្លៀកពាក់ចូលរួមក្នុងកម្មវិធីតូចធំ។ ឈុតភាគច្រើន នាងផ្តោតលេងម៉ូដអាវ ជាម៉ូដបែបច្នៃប្រឌិត លាយឡំភាពស៊ីវិល័យ មើលមកប្រណីត មួយឈុតៗលេចធ្លោខ្លាំង ហើយនាងតែងមិនចោលឡើយពាក់ជាមួយសំពត់បត់ខ្មែរយើង។

តាមរយៈការលេងខ្លួនជាមួយឈុតហូលផាមួង ឃើញថារសនិយមរបស់ Jade មានលក្ខណៈអេឡេហ្គង់ មិនស្អេកស្កះ មានចំណុចលម្អិត និង លេចធ្លោ ហើយទំនោរពណ៌ដែលនាងប្រើភាគច្រើន ជាពណ៌បែបស្រាល ដូចជាពណ៌ប្រាក់ជាដើម។ គួរឱ្យដឹងដែរថា Jade ជាកូនស្រីរបស់ លោកស្រីឧកញ៉ា ស៊ុយ សុផាន់ និង ឧកញ៉ា តាំង គីមថុង ម្ចាស់ក្រុមហ៊ុន ផានអីមិច គ្រុប៕