បើនិយាយពីរឿងព្រេងនិទានមកផលិតជាភាពយន្តនោះ មហាជននិយមទស្សនាភាពយន្តបុរាណខ្មែរ ច្បាស់ជាធ្លាប់បានទស្សនាហើយរឿង «ផ្ការាំទឹករាំ» ដែលតួអង្គសំខាន់ ៣ រូប ជាបងប្អូននឹងគ្នា បានសម្តែងដោយលោក ហេង ប៊ុនលាភ, លោក ម៉េង ប៊ុនឡូ និង អ្នកនាង កែវ ពិសី។
១. លោក ហេង ប៊ុនលាភ
លោក ហេង ប៊ុនលាភ ត្រូវបានសម្តែងជាតួអង្គបងប្រុសច្បងឈ្មោះ សាគរ នៅក្នុងរឿង «ផ្ការាំទឹករាំ»។ បច្បុបន្ន លោក ហេង ប៊ុនលាភ បានឈានជើងចូលប្រឡូកវិស័យសិល្បៈវិញហើយ ដោយពេលនេះលោកបានចូលរួមសម្តែងខ្សែភាពយន្ត និង អាជីពជាតារាចម្រៀងសម័យបុរាណទៀតផង។
២. លោក ម៉េង ប៊ុនឡូ
លោក ម៉េង ប៊ុនឡូ បានសម្តែងជាតួអង្គបងប្រុសទី ២ ឈ្មោះ គង្គា នៅក្នុងរឿង «ផ្ការាំទឹករាំ»។។ បច្ចុប្បន្ន លោក ម៉េង ប៊ុនឡូ មិនសូវបង្ហាញវត្តមានក្នុងឆាកតន្ត្រីក៏ពិតមែន ប៉ុន្តែលោកក៏នៅបន្តទេពកោសល្យក្នុងវិស័យតន្ត្រី ដោយលោកមានស្ទីឌីយោមានឈ្មោះថា «Meng Bunlo Studio»។
៣. អ្នកនាង កែវ ពិសី
អ្នកនាង កែវ ពិសី បានសម្តែងជាតួអង្គប្អូនស្រីពៅឈ្មោះ ផាត់សមុទ្រ នៅក្នុងរឿង «ផ្ការាំទឹករាំ»។ បច្ចុប្បន្ន អតីតតារាស្រីរូបនេះ បានបញ្ចប់អាជីពសិល្បៈទាំងស្រុងហើយ ក្រោយរៀបការសាងគ្រួសារនឹងស្វាមីជាបុគ្គលមានមុខមាត់ក្នុងជួររដ្ឋាភិបាល៕
