មួយរយៈមកនេះ អ្នកលេងបណ្តាញសង្គមហ្វេសប៊ុក ជាពិសេស អ្នកតាមដានសកម្មភាពមូលនិធិរបស់បុគ្គលល្បីៗដូចជា អ្នកលក់អនឡាញ Influencer និង តារាប្រុសស្រីជាច្រើន ច្បាស់ជាបានជ្រាបហើយពីការលះបង់កម្លាំងកាយ កម្លាំងចិត្ត និង ពេលវេលាផ្ទាល់ខ្លួន ដើម្បីជួយទៅដល់កងកម្លាំងនៅតំបន់ព្រំដែន និង ជនភៀសសឹកជាដើម។
យ៉ាងណាមិញ ស្របពេលអ្នកផ្តើមមូលនិធិកំពុងញាប់ដៃញាប់ជើងចាត់ចែងថវិកាក្នុងមូលនិធិ ព្រមទាំងថវិកាផ្ទាល់ខ្លួន បញ្ជូនស្បៀង និង ថវិកាជូនដល់កងទ័ព ជនភៀសសឹក ព្រមទាំងក្រុមគ្រួសារកងទ័ពពលីផងនោះ ក៏មានលេចឮសំឡេងអវិជ្ជមានខ្លះៗ បានដាក់បន្ទុកសួរទៅកាន់អ្នកកាន់មូលនិធិ ថាយកលុយទិញអ្វីខ្លះ ចង់ឃើញវិក័យបត្រ និង ខ្លះលើកឡើងថា អ្នកផ្តើមមូលនិធិបានកិបកេងជាដើម។
ក្រោយឃើញបែបនេះ លោក ថៃ ចាន់ឡី ក៏បានចេញមកបង្ហាញអារម្មណ៍ហួសចិត្តរបស់ខ្លួន ទៅកាន់អ្នកទើសរឿងខាងលើនេះ ដោយលោក ថៃ ចាន់ឡី លើកឡើងថា៖ «រិះគន់ដំបូងពីអ្នកលក់អនឡាញ យូរ៉ា ថាកិបកេងអំណោយ បន្ទាប់មកដល់ Peypey Dy ថាកិបកេងលុយ ដោយមានទាំងខ្មែរនៅក្រៅប្រទេសចេញមកចោទទៀត ហើយមិនប៉ុន្មានដល់ ហេង វិសាល និង ស្រីនា ទៀត»។
ក្នុងការចោទប្រកាន់នោះដែរ លោក ថៃ ចាន់ឡី បន្តថា៖ «បុគ្គលប៉ុន្មានរូបខាងលើនេះ សុទ្ធសឹងតែជាអ្នកមានមុខមាត់ មានមុខជំនួយក្នុងដៃ ទៅជាឱ្យគាត់កិបកេងស្បៀង កិបកេងលុយយ៉ាងម៉េច? តាមពិតទៅម្នាក់ៗ គួរតែរិះគន់ថា ហេតុអ្វីមិនព្រមធ្វើប័ណ្ណសរសើរជូនពួកគាត់បានត្រូវ»៕
សូមចុចទីនេះ ដើម្បីទស្សនាវីដេអូ៖
