មហាជននិយមតាមដាន ពីជីវិតឯកជនរបស់តារាចម្រៀង សុខ សីឡាលីន តាមរយៈបណ្តាញសង្គមនានា ជាពិសេសនោះ គឺនៅលើ Tik Tok ច្បាស់ជាធ្លាប់បានឃើញនូវវីដេអូ និង រូបភាពស្និទ្ធស្នាលរបស់តារាចម្រៀងស្រីរូបនេះ និង ប៉ាប៉ាពោះម៉ាយ ដែលគេស្គាល់ឈ្មោះថា Sothon Huot ។
ក្នុងនោះដែរ រូបភាពស្និទ្ធស្នាល របស់កញ្ញា សុខ សីឡាលីន និង លោក Sothon Huot បានធ្វើឱ្យមហាជនលើកឡើងថា អ្នកទាំង ២ អាចនឹងមានទំនាក់ទំនងលើសពីមិត្តក៏ថាបាន។ លើសពីនោះ មានអ្នកចូលទៅបញ្ចេញ Ship កញ្ញា សុខ សីឡាលីន និង លោក Sothon Huot ថែមទៀតផង។
យ៉ាងណាមិញ ខណៈមហាជនបានឃើញពីភាពស្និទ្ធស្នាលជារឿយៗរវាង កញ្ញា សុខ សីឡាលីន និង ប៉ាប៉ាពោះម៉ាយ Sothon Huot ក៏ពិតមែន ប៉ុន្តែការពិតទៅ អ្នកទាំង ២ គឺជាមិត្តនឹងគ្នាប៉ុណ្ណោះ ខណៈកញ្ញា សុខ សីឡាលីន គឺមានម្ចាស់ចិត្តរួចហើយ។
ជាក់ស្តែង បើទោះមួយរយៈចុងក្រោយនេះ កញ្ញា សុខ សីឡាលីន មិនសូវបង្ហាញរូបជាគូជាមួយនឹងគូស្នេហ៍ជាប៉ូលិសរូបសង្ហាក៏ពិតមែន ប៉ុន្តែទំនាក់ទំនងរបស់អ្នកទាំង ២ នៅតែផ្អែមល្ហែម។ លើសពីនោះ ថ្មីៗនេះ គេបានឃើញលោក Sothon Huot បានបង្ហោះរូបថតជុំគ្នា នឹងកញ្ញា សុខ សីឡាលីន ព្រមទាំងគូស្នេហ៍របស់តារាចម្រៀងស្រីរូបនេះ ដែលអាចបញ្ជាក់ថាទំនាក់ទំនងរបស់អ្នកទាំង ២ នៅដូចដើម រីឯទំនាក់ទំនងជាមួយនឹងលោក Sothon Huot គឺពិតជាមិត្តភក្តិមែន៕
