នាពេលថ្មីៗនេះ អ្នកប្រើប្រាស់បណ្ដាញសង្គមហ្វេសប៊ុក ក៏ដូចជាអ្នកផលិតមាតិកានៅក្នុងស្រុក បាននាំគ្នាបង្ហោះរូបភាពដោយមានគូសសញ្ញាបន្ទាត់ ឬ ខ្សែពណ៌ក្រហមនៅលើក្បាល បង្ហោះលេងកម្សាន្ត ដែលទាំងនេះគឺជា Trend ថ្មីមួយដកស្រង់ចេញពីខ្សែភាពយន្តដ៏ល្បីរបស់កូរ៉េមានចំណងជើងថា «S Line»។
ខ្សែរភាពយន្តកូរ៉េរឿង «S Line» គឺជា Tv Series ឆ្នាំ ២០២៥ ដែលបានចាក់បញ្ជាំងនៅលើ Wavve ដែលបង្ហាញពីសាច់រឿងមាននារីវ័យក្មេងម្នាក់មានសមត្ថភាព អាចមើលឃើញទំនាក់ទំនងពណ៌ក្រហមដ៏អាថ៌កំបាំងរវាងគូស្នេហ៍ ដែលវាគឺជាអំណោយពីធម្មជាតិរបស់នាង ខណៈលក្ខណៈពិសេសបែបនេះក៏មាននៅលើវ៉ែនតាពិសេសមួយប្រភេទដែលនៅក្នុងសាច់រឿង ដែលវាផ្តល់ថាមពលស្រដៀងគ្នានេះ និង មានបង្ហាញខ្លួននៅលើទីផ្សារងងឹត។
ដូច្នេះតើខ្សែក្រហមនៅលើក្បាលសំដៅដល់អ្វី ហេតុអ្វីគេហៅវាថាជា « S line»?
ពិតណាស់ ខ្សែបន្ទាត់ក្រហមនៅលើក្បាលតួអង្គនីមួយៗនៅក្នុងសាច់រឿង ត្រូវបានគេហៅថា S line សំដៅដល់ Sex Line គឺជាបន្ទាត់ ឬ ខ្សែ ដែលបានបញ្ជាក់ពីទំនាក់ទំនងផ្លូវភេទរបស់មនុស្សនៅក្នុងសាច់រឿង។ ចំនួននៃបន្ទាត់ ឬ ខ្សែ គឺជាចំនួនដៃគូដែលបុគ្គលនោះមានទំនាក់ទំនងស៊ីជម្រៅជាមួយ (រួមភេទ) ខណៈដែលបន្ទាត់ដែលរត់រកគ្នា គឺជាបន្ទាត់ដែលបង្ហាញថាបុគ្គលនោះ គឺមានទំនាក់ទំនងជាមួយគ្នា។
យ៉ាងណាមិញ សាច់រឿងប្រភេទនេះ គឺពុំស័ក្តិសមសម្រាប់អ្នកដែលមានអាយុក្រោម ១៨ ឆ្នាំនោះឡើយ ដោយសារតែសាច់រឿងមានលក្ខណៈស៊ីជម្រៅ មានភាពសិចស៊ី ការធ្វើអត្តឃា.ត និង ឃាតកម្មរោគចិត្ត ជាដើម។ ដោយឡែកនៅកម្ពុជា សម្រាប់ប្រិយមិត្តដែលមានអាយុ ១៨ ឆ្នាំឡើង ចង់ទស្សនាខ្សែភាពយន្តប្រភេទនេះ អាចទស្សនាបាននៅលើវែបសាយមួយចំនួនរួមមាន Kiss Kh ក៏ដូចជា Kh Fullhd ខណៈបច្ចុប្បន្នសាច់រឿងចេញបានត្រឹម Episode ២ ហើយ Episode ទី ៣ នឹងត្រូវចេញនៅថ្ងៃសុក្រនេះ៕
