ថ្មីៗនេះ ស្របពេលកាន់តែកៀកថ្ងៃចូលរោងការ អនាគតកូនក្រមុំក្នុងរោងជ័យអ្នកនាង ទេព បូព្រឹក្ស បានបង្ហាញរូបភាពគ្រងឈុតប្រពៃណីខ្មែរដ៏ប្រណីតៗ តុបតែងមុខ ម៉ូដសក់ខុសៗគ្នាស្អាតៗជាបន្តបន្ទាប់ ដែលទទួលបានការចាប់អារម្មណ៍សរសើរខ្លាំងពីមហាជនលើរូបសម្រស់របស់នាង។
ក្នុងនោះ ក្រៅពីពាក្យពេចន៍សរសើរចំពោះរូបភាពតុបតែងខ្លួនរបស់អ្នកនាង ទេព បូព្រឹក្ស ក្នុងប្រពៃណីខ្មែរនេះដែរ ក៏ឃើញមានអ្នកលេងបណ្ដាញសង្គមមួយចំនួនចែករំលែកបញ្ចេញមតិវែកញែក និង ប្រៀបធៀបរំឭកដល់សម្រស់របស់នាងពីមុនស្អាតបែបធម្មជាតិទៀតផង។
ដោយឡែក ងាកទៅមើលលោក ជី ដេវីត វិញ ស្របពេលឃើញមានមតិវែកញែកលើរូបសម្រស់របស់ភរិយា និង មានការប្រៀបធៀបបែបនេះ ក៏បានឃើញលោកចែករំលែកលើកសរសើរពេញចិត្តពីសម្រស់អ្នកនាង ទេព បូព្រឹក្ស ព្រមទាំងបញ្ចេញមតិឆ្លើយតបខមមិនការពារភរិយាយ៉ាងមានន័យ។
ក្នុងនោះ បើតាមរយៈខមមិនក្រោមការបង្ហោះវីដេអូរបស់អ្នកនាង ទេព បូព្រឹក្ស ដែលមានអ្នកបញ្ចេញមតិនិយាយពីសម្រស់របស់អ្នកនាងថា ៖ «កាលចេញសម្ដែងដំបូងជាមួយ ឆន សុវណ្ណរាជ សុភាពស្អាត មុខធម្មជាតិស្អាតណាស់ ឥលូវពិបាកមើលណាស់ សុំទោស និយាយចង់ឱ្យល្អ»។ ពេលនោះដែរ ក៏បានឃើញលោក ជី ដេវីត បានចូលឆ្លើយតបវិញថា ៖ «បាទអរគុណច្រើនបង បងកុំបារម្ភពីប្រពន្ធខ្ញុំពេកបង ខ្ញុំចេះមើលថែគាត់ហើយ»៕
