ជាការពិតណាស់ កន្លងមក មហាជននិយមតាមដានតារាចម្រៀង ពេជ្រ ថៃ ច្បាស់ជាបានជ្រាបមកហើយពីដំណើរសិល្បៈរបស់តារាចម្រៀងរូបនេះ តែងទទួលរងពាក្យរិះគន់មិនល្អជាច្រើនទៅលើរូបរាងរបស់គេ។
យ៉ាងណាមិញ ថ្មីៗនេះ ស្រាប់តែឃើញ ហ៊ាទី បានចែករំលែកនូវអារម្មណ៍របស់លោក ខណៈដែល ពេជ្រ ថៃ ត្រូវបានរងការប្រើពាក្យមិនសមរម្យដដែលៗជាថ្មី បន្ទាប់ពីមានផេកមួយបានបង្ហោះចម្រៀងថ្មីរបស់លោក។ ក្នុងនោះ ក្រោមវីដេអូនោះដែរ ពេជ្រ ថៃ ត្រូវបានអ្នកលេងបណ្តាញសង្គមមួយចំនួនតូច ប្រើពាក្យ Bully ពីរូបរាង និង សំឡេងរបស់លោកទៀតផង។
ដោយឃើញបែបនេះ ហ៊ាទី ហាក់ទ្រាំមើលនឹងភ្នែកមិនបាន ក៏បញ្ចេញអារម្មណ៍ហួសចិត្តនឹងអ្នកបញ្ចេញមតិ ដោយលោកបានរៀបរាប់ថា៖ «ទេអញឆ្ងល់! ចាស់ៗអស់ហើយម៉េចបានចូលចិត្តនិយាយជាន់ពន្លិចក្មេងម៉េស! សម្តីចេញមកដូចគ្មានការចេះដឹង គ្នាក៏មានបេះដូងជាសាច់ ចេះអន់ចិត្ត ចេះតូចចិត្តដែរ គ្នានៅក្រៅឡើងរួសរាយ ឡើងរមទម ក្មេងល្អ»៕
