ថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេស អ្នកគាំទ្រតារាចម្រៀងរៀមច្បងអ្នកនាង យក់ ថិតរដ្ឋា ច្បាស់ជាបានឃើញរូបភាពរបស់អ្នកនាងបានបង្ហោះនៅលើផេកផ្លូវការ ដោយភ្ជាប់នឹងពាក្យថា៖ «មនុស្សល្អ ស្មោះត្រង់ សម្តែងមិនសមដូចមនុស្សក្លែងក្លាយទេ» ដែលកំពុងទទួលបានការចាប់អារម្មណ៍ និង ចែករំលែកផងដែរ។
សារមួយនោះដែរ បានធ្វើឱ្យលោក ឃុំ ប៊ុណ្ណាដែត ជាស្វាមី បានចេញមុខមកបកស្រាយភ្លាមៗ ខណៈសារ ដែលភរិយាលោកបានបង្ហោះនោះ មានផេកខ្លះយកទៅបញ្ចេញបញ្ជូលជាសាច់រឿងផ្សេងទៅវិញ។
ក្នុងនោះដែរ លោក ឃុំ ប៊ុណ្ណាដែត បានរៀបរាប់ថា៖ «សូមអភ័យ ពីមហាជនទាំងអស់គ្នាសម្រាប់ Post មួយនេះ Admin កាន់ Page គាត់ផុសរូប និង Caption ខ្លីមួយ ក៏ប្រហែលជាអត្ថន័យក្នុងបទចម្រៀងផងក៏មិនដឹង តែបែរជាមានខ្មោចលេង Facebook និង ខ្លះទើបបង្កើត មួយចំនួនទាញរឿងទៅជាអីណាវិញ អួយហត់នឹងពួកអស់ហ្នឹងណាស់! ម៉េចបានជាភ័យម្ល៉េះ កុំធ្វើចរិតសៀមពេក សូមផ្តាំទៅផងបើមិនចូលចិត្តភរិយាខ្ញុំ សូមកុំចំណាយពេល ដើម្បីសរសេរក្នុង Comment Post Page ប្រពន្ធខ្ញុំ ។ សូមញុំាកាហ្វេ ចុច FB លេងហើយពេលឃើញ Page ប្រពន្ធខ្ញុំអូសរំលងទៅ មួយវិញទៀតកុំចូលចិត្តយកពាក្យថា ជាបុគ្គលសាធារណៈមកនិយាយពេក យ៉ាងម៉េចបុគ្គលសារធារណៈ ពួកអ្នកឯងចង់ជាន់បានតាមចិត្តឬ?
ហើយបើគិតថាខ្លួនពួកអ្នកល្អ គឺពួកអ្នកអត់ចូលទៅដៀលក្នុង post គេក្នុងអត្ថន័យបញ្ឆេះកំហឹងបែបនោះទេ អរគុណ Admin page យក់ ថិតរដ្ធា-Rotha Entertainment អ្នកត្រូវធ្វើការរបស់អ្នកទៀត ព្រោះការដាក់ Caption លើរូបមួយនេះ មិនបានប៉ះពាល់អ្នកណាទេ! មែនទេ អ្នកឆេះឆួលទាំងឡាយ សង្ឃឹមថាផុសមួយនេះ នឹងមិនបន្តការឆេះឆួលម្តងទៀតនោះទេ»៕
