នៅថ្ងៃទី ៩ ខែកញ្ញា ឆ្នាំ ២០២៥ នេះ នៅប្រទេសថៃ មានករណីឡានដឹកសិស្សសាលាមួយគ្រឿងបានក្រឡាប់តាមផ្លូវ បណ្តាលឱ្យរបួសសិស្សចំនួន ១១ នាក់ ដោយសារតែតៃកុងឡានងក់ងងុយមួយភ្លែត។
តាមព័ត៌មានបានឱ្យដឹងថា ហេតុការណ៍នេះបានកើតឡើងនៅតាមផ្លូវមួយខ្សែនាឃុំប្រាខ្លាងថង ស្រុកថាតផានុម ខេត្តណាក់ខនផានុម ដោយឡានខាងលើបានដឹកសិស្សពីខេត្តរ៉យអេត ដើម្បីទៅប្រកួតប្រដាល់ តែខណៈមកដល់កន្លែងកើតហេតុខាងលើ ស្រាប់តែតៃកុងឡានបានងក់បិទភ្នែកដេកមួយភ្លឹប ក៏បានជ្រុលដៃបាត់បង់ការគ្រប់គ្រង ទើបបណ្តាលឱ្យឡានក្រឡាប់នៅកណ្តាលផ្លូវនោះតែម្តង។
យ៉ាងណាមិញ ក្នុងនោះ មានសិស្សចំនួន ១១ នាក់បានរងរបួស ហើយជាសំណាងល្អគ្មានអ្នកស្លាប់ឡើយ ចំណែកអាជ្ញាធរពាក់ព័ន្ធក៏បានចុះទៅជួយសង្រ្គោះដោយបានបញ្ជូនសិស្សទៅមន្ទីរពេទ្យ និងបានវាស់វែងកន្លែងកើតហេតុ ដើម្បីដំណើរការទៅតាមផ្លូវច្បាប់៕
ប្រភព៖ Khaosod
