ទាយលើកនេះ Plai អ្នកគ្រូទាយថៃល្បីថា ចាប់ពីពាក់កណ្ដាលឆ្នាំ ២០២៥ ទៅ ថៃនឹងជួបរឿងវឹកវរខ្លាំងទាំងនយោបាយ និង គ្រោះធម្មជាតិ

ថ្មីៗនេះ គ្រូ Plai ដែលជាគ្រូទាយមួយរូបដ៏ល្បីនៅប្រទេសថៃ បានទស្សន៍ទាយវាសនាប្រទេសជាតិថៃចាប់ពីពាក់កណ្តាលឆ្នាំ ២០២៥ ទៅថា អាចនឹងជួបរឿងតានតឹងខ្លាំងក្នុងនយោបាយ មានគ្រោះទឹកជំនន់ ការខ្វះខាតអាហារ និង រោគរាតត្បាត។

គ្រូ Plai បានឱ្យដឹងថា ចាប់ពីខែកក្កដាទៅ ប្រទេសថៃនឹងជួបរឿងកាន់តែតានតឹងក្នុងនយោបាយ ជាពិសេសអ្នកធំឋានៈខ្ពស់ម្នាក់នឹងត្រូវប្រជាជនរិះគន់រហូតដល់កើតបញ្ហាផ្លូវអារម្មណ៍។ សម្រាប់ក្នុងខែមិថុនានេះ ប្រទេសអាចនឹងជួបប្រទះគ្រោះទឹកជំនន់ ឬ រលកធំៗ ជាពិសេសតំបន់មួយចំនួននៅជិតសមុទ្រ វាអាចកើតឡើងដោយសារតែភ្លៀងធ្លាក់ខ្លាំង ហើយប្រព័ន្ធបង្ហូរទឹកមានឧបសគ្គ។ មួយវិញទៀត អាចនឹងមានការផ្ទុះភ្នំភ្លើងក្រោមបាតសមុទ្រ ដែលបង្កជារលកធំៗ ដូច្នេះហើយអ្នកទេសចរ និង អ្នកនេសាទគួរតែមានការប្រុងប្រយ័ត្ន។

គ្រូ Plai បានបន្តទៀតថា បញ្ហាស្រូវ និង អាហារអាចនឹងមានការខ្វះខាត ដូច្នេះត្រូវត្រៀមបង្ការដោយដាំបន្លែផ្លែឈើនៅក្នុងផ្ទះ ត្រៀមអាហារក្រៀមឱ្យបានច្រើន ហើយកុំប្រញាប់នាំចេញច្រើនពេក ត្រូវទុកក្នុងប្រទេសសិន។ លើសពីនេះទៀត ពលករបរទេសអាចនឹងចូលមកកាន់តែច្រើន ដោយយកជំងឺឆ្លងមកជាមួយផង មានដូចជាជំងឺរើម ឬ ជំងឺដែលប៉ះពាល់ដល់កោសិកាឈាមស ជាដើម៕

ប្រភព៖ TheTiger