ចំពោះទំនាក់ទំនងរវាងតារាចម្រៀងប្រុស STEP និង ស្រីស្អាត SK ក្រោយបង្ហាញភាពស្និទ្ធស្នាលផ្អែមល្ហែមមួយរយៈ អ្វីកាន់តែធ្វើឱ្យមហាជនចាប់អារម្មណ៍ខ្លាំង ខណៈបានឃើញខាងប្រុស គឺលោក STEP បាននិយាយសារភាពត្រង់ៗមុខមហាជន ថារូបលោកបានតាមសុំស្រឡាញ់កញ្ញា SK រយៈពេលជាង ៣ ឆ្នាំមកហើយ គ្រាន់តែខាងស្រីមិនទាន់ផ្ដល់ចម្លើយឱ្យលោកច្បាស់នៅឡើយ។
មកដល់ថ្មីៗកន្លងទៅ លោក STEP ក៏បានសុំចម្លើយពី SK ម្ដងទៀត ថាអាចរួមដំណើរជីវិតជាមួយគ្នាបានឬទេ ប៉ុន្តែខាងស្រីនៅតែមិនទាន់ឱ្យចម្លើយលោកបានដដែល។ លើសពីនេះ ដ្បិតតែមិនទាន់មានឋានៈជាសង្សារ តែសម្រាប់លោក STEP ក៏តែងបង្ហាញក្ដីស្រឡាញ់ដ៏ផ្អែមល្ហែមក្នុងថ្ងៃពិសេសៗ និង មិនបោះបង់ ដែលបានចាត់ទុកស្រីស្អាត SK ជាអនាគតសង្សារក្នុងចិត្តរួចទៅហើយ។
ជាក់ស្ដែង ថ្មីៗនេះ ខណៈឈានដល់ថ្ងៃកំណើតរបស់លោក STEP ក៏បានឃើញតារាប្រុសរូបនេះ បង្ហោះរូបភាពជាមួយស្រីស្អាត SK ដោយលោកបង្ហាញក្ដីរំភើប និង ថាខ្លួនមានសំណាង ពេលដែលមនុស្សពិសេសក្នុងចិត្ត គឺកញ្ញា SK ចាំថ្ងៃកំណើតរបស់លោក និង បានរៀបចំកាដូយ៉ាងមានន័យជូនលោកទៀត។ ក្នុងនោះ លោក STEP បានបង្ហោះរៀបរាប់ថា ៖ «មិនចាំបាច់កាដូ ឬ នំខេកធំទេ.. ឱ្យតែមនុស្សពិសេស ចាំថ្ងៃ birthday របស់យើង គឺ ជាមនុស្សសំណាងហើយ»៕
