និយាយពីតារាចម្រៀង Original Song បែបមនោសញ្ចេតនា ថេណា ដែលជាតារាចម្រៀងប្រុសរូបសង្ហាមានសមត្ថភាពខ្ពស់ផ្នែកតន្រ្តី បង្កើតស្នាដៃបទចម្រៀងថ្មីៗជាច្រើន ឆក់បានបេះដូងយុវវ័យឱ្យស្រឡាញ់គាំទ្រ។
លើសពីនេះ បច្ចុប្បន្ន តារាចម្រៀងប្រុសរូបសង្ហា ថេណា ហាក់កាន់តែមានសន្ទុះនៃការគាំទ្រខ្លាំងជាមួយនឹងស្នាដៃបទចម្រៀងថ្មីៗរបស់លោកជាបន្តបន្ទាប់ ជាពិសេសទទួលបានការចាប់អារម្មណ៍ខ្លាំងពីរូបសម្រស់ដ៏ស្រស់សង្ហារបស់លោក ទាំងការបង្ហាញវត្តមានលើឆាកតន្រ្តី កម្មវិធីផ្សេងៗ និង សកម្មភាពលើបណ្ដាញសង្គមផ្សេងៗជាមួយស្ទីលថ្មីស្អាតៗ។
ជាក់ស្ដែង ថ្មីៗនេះ តារាចម្រៀងប្រុស ថេណា កំពុងធ្វើឱ្យមហាជនអ្នកគាំទ្រកាន់តែចាប់អារម្មណ៍ខ្លាំងជាមួយនឹងភាពទាក់ទាញរបស់លោក ខណៈបានឃើញលោកបង្ហោះវីដេអូមួយ ពីសកម្មភាពអង្គុយដេញចាប៉ីដងវែងលេងប៉ុន្មានវិនាទីយ៉ាងពីរោះ និង ជះភាពសង្ហាខ្លាំង ដែលឆក់បានបេះដូងពីអ្នកគាំទ្រលើហ្វេសប៊ុកមិនតិចទេ ចូលទៅចែករំលែក និង បញ្ចេញមតិសរសើរ៕
សូមទស្សនាវីដេអូខាងក្រោម៖
