ថ្មីៗនេះ អ្នកលេងបណ្តាញសង្គមហ្វេសប៊ុក កំពុងផ្ទុះការចាប់អារម្មណ៍សារអមនឹងរូបភាពមួយរបស់ លោក យូ ថនវណ្ណៈ Mister Grand Cambodia 2022 បានថតជាមួយនឹង កញ្ញា ពេជ្រ វត្តីសារ៉ាវឌ្ឍី។
រូបភាពមួយសន្លឹក របស់ Mister និង Miss Grand Cambodia 2022 ដែលលោក យូ ថនវណ្ណៈ បានបង្ហោះនោះដែរ បានស្ទង់មតិអ្នកគាំទ្រ បើសិនជាលោក និង កញ្ញា ពេជ្រ វត្តីសារ៉ាវឌ្ឍី នឹងវិលត្រឡប់មកឆាកប្រកួតជាថ្មីនាឆ្នាំ ២០២៦ មានអ្នកគាំទ្រ ឬទេ?
សារនោះ លោក យូ ថនវណ្ណៈ រៀបរាប់ថា៖ «បើឆ្នាំ ២០២៦ ពួកយើងត្រលប់មកវិញ តើបងប្អូនគាំទ្រអត់? Pich Votey Saravody»។ ភ្លាមនោះដែរ មិនបង្អង់ក្នុងការបញ្ចេញមតិពីអ្នកគាំទ្រឡើយ ពោលគឺអ្នកគាំទ្របានចូលទៅបង្ហាញការពេញចិត្ត និង ជឿជាក់ថា បើប្រុសសង្ហា ស្រីស្អាតទាំង ២ វិលមកឆាកប្រកួតជាថ្មីនោះ គឺច្បាស់ណាស់ប្រាកដជាទទួលបានជ័យជម្នះ៕
