សាំណាស់! ក្រឡាត្រូវបានប្ដីតាំងពីយូរ តែបែរជាគ្មានអ្នកហ៊ានញ៉ែ ព្រោះប្អូនប្រុសពៅដើរតាមត្រុកៗរាល់ថ្ងៃ

ថ្មីៗនេះ មាននារីម្នាក់នៅប្រទេសចិន បានចែករំលែករឿងរ៉ាវមួយរបស់នាង ដែលមានប្អូនប្រុសពៅអាយុឃ្លាតគ្នាដល់ទៅ ៣០ ឆ្នាំ រហូតដល់គេគិតថាជាកូននាងបង្កើត ធ្វើឱ្យប្រុសៗមិនហ៊ានចូលញ៉ែនាងសោះ។

នារីរូបនេះបានរៀបរាប់ឱ្យដឹងថា ឪពុកម្តាយរបស់នាងមានវ័យជ្រេណាស់ទៅហើយ តែពួកគាត់នៅឆ្លៀតមានកូនប្រុសពៅម្នាក់ទៀត ធ្វើឱ្យនាងមិនសូវជាពេញចិត្តប៉ុន្មានឡើយ ព្រោះការមើលថែប្អូនប្រុសរូបនេះគឺធ្លាក់មកលើនាងទាំងស្រុង ទាំងដែលនាងនៅមិនទាន់មានជីវិតខ្លួន​ឯងត្រឹមត្រូវនៅឡើយ។

អ្វីដែលកាន់តែធ្វើឱ្យនាងមិនពេញចិត្តនោះ គឺនៅពេលដែលយកប្អូនប្រុសទៅក្រៅម្តងៗ មនុស្សម្នាតែងតែយល់គេថាជាកូនរបស់នាង សូម្បីបុរសៗដែលនាងណាត់ចេញក្រៅជាមួយក៏យល់ច្រឡំដែរ ដែលធ្វើឱ្យនាងអៀនខ្មាស និង ហត់នឿយក្នុងការបកស្រាយជាខ្លាំង។ យូរៗទៅក៏គ្មានបុរសណាហ៊ានចូលមកញ៉ែនាងទៀតឡើយ ព្រោះគេគិតថានាងមានប្តីមានកូនរួចទៅហើយ ដែលនេះពិតជាប៉ះដល់ជីវិតនាងមិនតិចឡើយ តែនាងក៏ត្រូវទ្រាំព្រោះតែជាប្អូនប្រុសបង្កើត៕

ប្រភព​​៖ Khaosod