សារព័ត៌មាន Khaosod បានរាយការណ៍ថា នៅវេលាម៉ោង ៨ ព្រឹក ថ្ងៃទី ៣០ ខែកក្កដា ឆ្នាំ ២០២៥ នេះ មានករណីបំផ្ទុះគ្រាប់បែកមួយទៀតហើយនៅតំបន់ព្រំដែនថៃ ម៉ាឡេស៊ី ដែលបណ្តាលឱ្យប៉ូលិសល្បាតរបួសអស់ ៦ នាក់ និង ប្រជាជន ១ នាក់។
តាមព័ត៌មានបានឱ្យដឹងថា ហេតុការណ៍បានកើតឡើងនៅភូមិលេខ ៩ ឃុំ Sakor ស្រុក Su Ngai Padi ខេត្ត Narathiwat ដោយបានបង្កឱ្យប៉ូលិសល្បាតរក្សាសន្តិសុខចំនួន ៦ នាក់បានរបួស និង ប្រជាជនស៊ីវិល ១ នាក់ក៏បានរងរបួសដូចគ្នា។ ក្នុងនោះ ជនរងគ្រោះទាំងអស់ ត្រូវបានគេបញ្ជូនទៅសង្រ្គោះនៅឯមន្ទីពេទ្យ Su Ngai Padi។
ដោយឡែក អាជ្ញាធរបានចុះទៅត្រួតពិនិត្យ និង ឱ្យប្រជាជនផ្អាកការធ្វើដំណើរនៅលើផ្លូវដែលកើតហេតុ ព្រមទាំងរាយការណ៍ភ្លាមៗ បើសិនជាឃើញវត្ថុដែលគួរឱ្យសង្ស័យណាមួយនៅលើផ្លូវ៕
ប្រភព៖ Khaosod
