គេនាំគ្នានិយាយពីកម្មវិធីព្រោងព្រាត តែ គុណពេជ្រ បែរជាទម្លាយពីអត្តចរិតរបស់ ដាឡែត វិញ

ជាការពិតណាស់ ថ្មីៗនេះ អ្នកនិយមតាមដានពីកម្មវិធីប្រកួតចម្អិនម្ហូបលំដាប់ពិភពលោក MasterChef Cambodia ច្បាស់ជាបានជ្រាបមកហើយ ពីការចែករំលែក បញ្ចេញមតិនានាពីសំណាក់បេក្ខភាពនារដូវកាលទី ៣ ពាក់ព័ន្ធនឹងអំឡុងពេលប្រកួត។

ក្នុងនោះដែរ មានបេក្ខជនខ្លះបានបង្ហាញអារម្មណ៍មិនពេញចិត្ត ដោយរៀបរាប់ពីរឿងអវិជ្ជមាន និង មានបេក្ខជនខ្លះក៏បានលើកពីផលវិជ្ជមានរបស់កម្មវិធី រហូតផ្ទុះការវែកញែកពេញបណ្តាញសង្គមហ្វេសប៊ុក។

ក្រឡេកមកមើល បេក្ខភាព គុណពេជ្រ ដែលជាអតីតបេក្ខភាពទទួលលបានប្រជាប្រិយភាពមួយរូបដែរ នារដូវកាលទី ៣ នៃកម្មវិធីខាងលើ ក៏បានចេញមកបង្ហោះសារពាក់ព័ន្ធនឹងកម្មវិធីដូចគ្នា ប៉ុន្តែក្នុងនោះដែរ អ្វីដែលចាប់អារម្មណ៍ គុណពេជ្រ ក៏បានបង្ហោះសារទម្លាយពីបេក្ខភាពរួមប្រកួតជាមួយ គឺ លោក ដាឡែត ដែរ។

គុណពេជ្រ បានរៀបរាប់ឱ្យដឹងថា ដាឡែត ហាក់ដូចជាចៅក្រម មេធាវី យ៉ាងដូច្នោះអំឡុងពេលប្រកួត ក៏ព្រោះតែបេក្ខភាពផ្សេងទៀត ម្នាក់ៗឱ្យតែមានរឿងអ្វីមកប្រាប់លោកជានិច្ច។ សារនោះដែរ គុណពេជ្រ បានរៀបរាប់ថា៖ «ប្អូនបានបង្រៀនបងកាន់ដបស្រាឱ្យសង្ហា ដាឡែត។ ដាឡែត ជាបេក្ខជនតុលាការ ដើរតួជាចៅក្រម មេធាវី នរណាមានបញ្ហាក៏មកទូលពិតដែរ។ សុភាពបុរស ដែលមានសុជីវធម៌ខ្ពស់ មិនថាចេញ ឬចូលបន្ទប់ចេះក្រែងចិត្តមិត្តរួមបន្ទប់។ ជាសំណាងខ្ញុំណាស់ ដែលបានស្គាល់»៕