ពិភពលោកបានដើរមកដល់ឆ្នាំ ២០២៥ ហើយ ហើយក្នុងនោះដែរក៏មានហោរាស្រ្ត និង ជាអ្នកទស្សន៍ទាយដ៏ល្បីល្បាញចំនួន ២ នាក់ គឺលោក Nostradamou និង លោកយាយ BaBa Vanga បានធ្វើការទស្សន៍ទាយពីជោគជតា ឬ ហេតុការណ៍នៅក្នុងឆ្នាំនេះទុកផងដែរ។
ចំពោះ Nostradamou ដែលជាអ្នកទស្សន៍ទាយជនជាតិបារាំងដ៏ល្បីក្នុងសតវត្សទី ១៦ លោកបានឱ្យដឹងថា នៅក្នុងឆ្នាំ ២០២៥ នេះ អាចនឹងមានសង្រ្គាមធំកើតឡើង ដែលអាចជាសង្រ្គាមនៅអឺរ៉ុប ឬ សង្គ្រាមរវាងមហាអំណាច។ ដោយឡែក ប្រទេសលោកខាងលិចអាចនឹងថមថយអំណាច ព្រមទាំងមានមហាអំណាចថ្មីផងដែរ។ លើសពីនេះ ប្រទេសអង់គ្លេសអាចនឹងប្រទះជាមួយរោគឆ្លងប្រភេទចាស់ ហើយអាចធ្ងន់ធ្ងរជាងការឆ្លងក្នុងអតីតកាលទៀត។
សម្រាប់លោកយាយ BaBa Vanga ដែលជាអ្នកទស្សន៍ទាយពិការភ្នែកដ៏ល្បីល្បាញ បានឱ្យដឹងថា ក្នុងឆ្នាំ ២០២៥ នេះ គ្រោះរញ្ជួយដីដ៏ធំមួយអាចនឹងកើតឡើងពេញពិភពលោក ហើយខាងប៉ែកអឺរ៉ុបគឺទទួលផលប៉ះពាល់ខ្លាំងជាងគេ។ សង្រ្គាមលោកលើកទី ៣ អាចនឹងកើតមានឡើង ហើយប្រទេសរុស្ស៊ីអាចនឹងកាន់តែមានអំណាចជាងមុន ជាពិសេស Putin នឹងមានជ័យជម្នះ។
ស្របនឹងការទស្សន៍ទាយរបស់បុគ្គលទាំងពីរខាងលើនេះដែរ បើយើងក្រឡែកមកមើលបច្ចុប្បន្នក្នុងឆ្នាំ ២០២៥ នេះ គេសង្កេតឃើញពិភពលោកបាន និង កំពុងជួបប្រទះ ព្រមទាំងបានឆ្លងកាត់បញ្ហាជាច្រើន មិនថាគ្រោះធម្មជាតិ និង វិវាទនយោបាយតាមបណ្តាប្រទេសធំៗមួយចំនួន។ ជាការពិតក្នុងបច្ចុប្បន្ននេះ ការផ្ទុះអាវុធរវាងប្រទេស និង ប្រទេស បានចាប់ផ្ដើមកើតឡើងជាបន្តបន្ទាប់ ជាក់ស្ដែងសង្គ្រាមនៅប្រទេសអ៊ុយក្រែន-រុស្ស៊ី, អ៊ីស្រាអែល-ប៉ាឡេស្ទីល, អ៊ីស្រាអែល-អ៊ីរ៉ង, ការលូកដៃពីអាមេរិកក្នុងសង្គ្រាមអ៊ីស្រាអែល-អ៊ីរ៉ង, ជម្លោះព្រំដែនឥណ្ឌា-ប៉ាគីស្ថាន និង សង្គ្រាមស៊ីវិលនៅក្នុងប្រទេសមីយ៉ាន់ម៉ា ជាដើម៕
ប្រភព៖ Sanook
