គូស្នេហ៍មួយគូ ស៊ីសសុះគ្នាក្នុងឡាន ដល់រង្គើខ្លាំងពេក ស្រាប់តែឡានរអិលធ្លាក់ពីលើច្រាំងថ្ម អស់បុណ្យទាំងពីរនាក់

ថ្មីៗនេះ សារព័ត៌មានបរទេស The Mirror បានរាយការណ៍ពីករណីរបស់គូស្នេហ៍ជនជាតិប្រេស៊ីលមួយគូ ដែលបានស្លាប់ទាំងពីរនាក់ ក្រោយពីនាំគ្នាទៅចតឡាននៅច្រាំងថ្មកម្ពស់ ៤០០ ម៉ែត្រ ហើយមានអីៗជាមួយគ្នារហូតដល់ឡានរអិលធ្លាក់ចុះក្រោម។

តាមព័ត៌មានបានឱ្យដឹងថា គូស្នេហ៍ទាំងគូនេះ ខាងស្រីមានឈ្មោះថា Adriana Machado Ribeiro មានវ័យ ៤២ ឆ្នាំ រីឯខាងប្រុសឈ្មោះថា Marcone da Silva Cardoso អាយុ ២៦ ឆ្នាំ។ នៅយប់ថ្ងៃកើតហេតុ អ្នកទាំងពីរបានទៅចូលរួមពិធីជប់លៀងមួយ លុះចប់ស្រេចបាច់ ក៏បានជូនប្អូនប្រុស និង​សង្សាររបស់គេទៅផ្ទះ ហើយក៏បាននាំគ្នាមកចតឡានលេងនៅមាត់ច្រាំងថ្មមួយកន្លែង ដែលមានកម្ពស់ប្រហែល ៤០០ ម៉ែត្រ។

លុះព្រឹកឡើងស្រាប់តែអ្នកល្បាតព្រៃប្រទះឃើញឡានរបស់គូស្នេហ៍នេះ បានធ្លាក់ចុះទៅក្រោមច្រាំងថ្មឡើងខ្ទេច ហើយក៏បានប្រទះឃើញសាកសពរបស់ពួកគេកំពុងអាក្រាតកាយនៅក្បែរឡាននោះទៀត។ យ៉ាងណាមិញ ខាងអាជ្ញាធរ ក៏ដូចជាអ្នកស៊ើបអង្កេតបានឱ្យដឹងថា​ មិនមានភស្តុតាងនៃអំពើឃាតកម្មឡើយ ដូចនេះហើយ ទើបគេសង្ស័យថា ពួកគេអាចនឹងមានអីៗជាមួយគ្នានៅក្នុងឡាននោះ ដែលបង្កជាចលនាខ្លាំង រហូតដល់ឡានបានរអិលធ្លាក់ចុះទៅក្រោមដោយខ្លួនឯង៕

ប្រភព៖ The Mirror