បានតំណែងរងទី ១ ឮល្ហៀងៗថា ម៉ឺនឯក សុភារិទ្ធ ត្រូវជ្រើសរើសតំណាងកម្ពុជាទៅប្រកួតកម្មវិធីធំមួយនៅអន្តរជាតិ

និយាយពីតារាសម្ដែងប្រុសរូបសង្ហាលោក ម៉ឺនឯក សុភារិទ្ធ មហាជនអ្នកគាំទ្ររបស់តារាប្រុសរូបនេះ បានជ្រាបហើយថាលោកទើបតែទទួលបានតំណែងជ័យលាភីរងទី ១ នៃកម្មវិធី Mister Supranational Cambodia 2025 ក្នុងវគ្គប្រកួតផ្ដាច់ព្រ័ត្រថ្មីៗកន្លងទៅ។

ចំពោះតំណែងជ័យលាភីរងទី ១ នៃ Mister Supranational Cambodia 2025 នេះដែរ លោក ម៉ឺនឯក សុភារិទ្ធ បានធ្វើឱ្យមហាជនអ្នកគាំទ្រជាច្រើនបង្ហាញការអបអរ និង សរសើរពីសមត្ថភាពដ៏លេចធ្លោរបស់លោក ដ្បិតតែទើបប្រឡូកវិស័យបុរសឯកជាលើកដំបូងមែន ប៉ុន្តែតារាសម្ដែងរូបនេះ ក៏អាចឆក់បានតំណែងល្អក្នុងកម្មវិធីនេះ។

យ៉ាងណាមិញ ក្រោយទទួលបានតំណែងបុរសឯករងទី ១ ប៉ុន្មានថ្ងៃ អ្វីដែលធ្វើឱ្យអ្នកគាំទ្រ ក៏ដូចជាមិត្តក្នុងសិល្បៈ កាន់តែបង្ហាញការអបអរ និង រំភើបជំនួសលោក ម៉ឺនឯក សុភារិទ្ធ ខណៈទទួលដំណឹងថាលោកនឹងត្រូវជ្រើសរើសតំណាងឱ្យកម្ពុជាត្រៀមខ្លួនចូលរួមប្រកួតលើឆាកអន្តរជាតិទៀតផង។ តាមរយៈការបង្ហើបលើហ្វេសប៊ុករបស់តារាសម្ដែងប្រុសរូបនេះ បានឱ្យដឹងថាលោកនឹងអាចក្លាយជាម្ចាស់តំណែង Mister Global Cambodia 2025 ដែលត្រូវបានតំណាងកម្ពុជាចូលរួមប្រកួតលើឆាកអន្តជាតិក្នុងកម្មវិធី Mister Global International 2025 ឆាប់ៗខាងមុខ៕