Shoutlet គឺជាខ្នើយពិសេសម្យ៉ាង ដែលប្រៀបបានឧបករណ៍ទប់សំឡេងចល័ត។ វារចនាឡើងយ៉ាងពិសេសដើម្បីផ្តល់ជាកន្លែងមួយ ដើម្បីឱ្យបញ្ចេញអារម្មណ៍តាមរយៈការដាក់ខ្នើយខ្ទប់មុខ ហើយស្រែកដាក់វា។
មិនថាស្រែកខ្លាំងប៉ុនណា ខ្នើយនេះនឹងមិនបញ្ចេញសំឡេងរំខានដល់អ្នកជុំវិញខ្លួន វាជួយឱ្យយើងបានបញ្ចេញអារម្មណ៍ និង គ្រប់គ្រងអារម្មណ៍ស្ត្រេស និង អារម្មណ៍មួម៉ៅបានល្អ។ វាស័ក្តិសមបំផុតសម្រាប់អ្នកធ្វើការស្ត្រេស អ្នកឧស្សាហ៍ខឹងមួម៉ៅ ឆាប់ឆេវឆាវ ដោយគ្រាន់តែស្រែកខ្ទប់នឹងខ្នើយ វានឹងផ្តល់មកវិញនូវអត្ថប្រយោជន៍ទាំងចំពោះសុខភាពផ្លូវចិត្ត និង ផ្លូវកាយ។
ក្រុមហ៊ុន Powershout ដែលបង្កើតខ្នើយនេះ បានលម្អិតអំពីអត្ថប្រយោជន៍នៃការស្រែកបញ្ចេញអារម្មណ៍ដែរថា ការស្រែកវាលើសពីការបញ្ចេញអារម្មណ៍ វាជាវិធីដ៏មានប្រសិទ្ធភាព សម្រាប់ធ្វើឱ្យសុខុមាលភាពល្អប្រសើរឡើង។ សកម្មភាពស្រែកនឹងផ្តល់អត្ថប្រយោជន៍ទាំងផ្លូវកាយ ផ្លូវចិត្ត និង អារម្មណ៍ រាប់តាំងពីកាត់បន្ថយភាពតានតឹង និង សម្អាតផ្លូវចិត្ត រហូតដល់ជួយបង្កើនអារម្មណ៍ និង ថាមពលឡើងវិញ។ លើសពីនេះ វាជួយបង្កើតទំនុកចិត្តឡើងវិញ និង ជួយពង្រឹងប្រព័ន្ធការពាររាងកាយផងដែរ។
អត្ថប្រយោជន៍សំខាន់ៗនៃការប្រើខ្នើយរួមមាន៖
- ជំរុញការបញ្ចេញអរម៉ូន endorphins ដែលជាសារធាតុគីមី «អារម្មណ៍ល្អ» ធម្មជាតិរបស់រាងកាយ។
- ជួយរម្ងាប់អារម្មណ៍អវិជ្ជមានដូចជា ការខកចិត្ត ឬ ទុក្ខព្រួយ។
- កាត់បន្ថយអារម្មណ៍ឆាប់ខឹងឆេវឆាវ។
- មានប្រសិទ្ធភាពបំបាត់អារម្មណ៍អស់សង្ឃឹម។
តាមការដាក់លក់លើគេហទំព័រ ខ្នើយពិសេសនេះមានតម្លៃ $29.99 ប៉ុណ្ណោះ៕
ប្រភព៖ powershout
